བལ་ཡུལ་དུ་༧གོང་ས་མཆོག་གི་སྐུའི་འཁྲུངས་སྐར་སྲུང་བརྩི།

༄༅།། བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་རྒྱལ་བ་རིན་པོ་ཆེ་མཆོག་དགུང་གྲངས་༨༥་ཧྲིལ་པོར་ཕེབས་པའི་སྐུའི་འཁྲུངས་སྐར་དུས་ཆེན་བལ་ཡུལ་གཞུང་གི་དམག་མི་དང་ཉེན་རྟོག་པ། གསང་བའི་ལས་ཁུངས་ཀྱི་གསང་ཉུལ་བཅས་ཀྱི་ལྟ་སྲུང་ནན་པོའི་འོག་ཏུ་སྲུང་བརྩི་ཞུ་ཐུབ་ཡོད་ཅིང་། ཕྱི་ཟླ་༧་ཚེས་༦་གི་ཞོགས་པ་ནས་བལ་ཡུལ་གཞུང་གིས་རྒྱལ་ས་ཀ་ཐ་མན་རྡུ་གྲོང་ཁྱེར་གྱི་བོད་པ་འདུས་སྡོད་ས་གནས་ཁག་ཏུ་དམག་མི་འགྲེམ་འཇོག་དང་དམིགས་བསལ་མཆོད་རྟེན་བྱ་རུང་ཁ་ཤོར་གྱི་མཐའ་འཁོར་དུ་དམག་མི་སྐོར་ཁག་མི་འདྲ་བ་མང་པོ་བཀྲམ་ནས་མཛད་སྒོ་ཚོགས་ཡུལ་མཆོད་འཇོར་གཞི་ལས་ཁང་དུའང་དམག་མི་དང་གསང་བའི་ལས་ཁུངས་ཀྱི་མི་སྣ་ཡོང་སྟེ་ལྟ་རྟོག་བྱས་འདུག

བལ་ཡུལ་དུ་བཅའ་སྡོད་བོད་ཀྱི་སྐུ་ཚབ་དོན་གཅོད་དང་ཕྱོགས་བཞུགས་སྤྱི་འཐུས་རྣམ་གཉིས། བལ་ཡུལ་གྱི་བོད་པའི་ས་གནས་གྲོས་ཚོགས་འཐུས་མི་དང་རང་བདེན་ཚོགས་ཆུང་། ཆོལ་གསུམ་རྒྱུན་ལས་ཁག་གི་ཚོགས་གཙོ་རྣམ་པ་བཅས་ཁྱོན་བསྡོམས་གནད་ཡོད་མི་སྣ་༡༥་ཙམ་འདུ་འཛོམས་ཀྱིས་༧གོང་ས་མཆོག་གི་སྐུ་པར་མཐོང་གྲོལ་རིན་པོ་ཆེ་བཞུགས་ཁྲིར་མངའ་གསོལ། མཎྜལ་རྟེན་གསུམ་འདེགས་འབུལ་དང་རྒྱལ་བའི་ཞབས་བརྟན་གསོལ། བོད་སྐྱོང་ལྷ་སྲུང་རྣམས་ལ་བསང་གསོལ་བྱས་ནས་སྐུའི་འཁྲུངས་སྐར་དུས་ཆེན་ལ་རྟེན་འབྲེལ་ཞུས་ཡོད་པའི་སྐོར། བལ་ཡུལ་ནས་འདི་གའི་གསར་འགོད་པ་ཀུན་བཟང་བསྟན་འཛིན་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།

Embed share

བལ་ཡུལ་དུ་༧གོང་ས་མཆོག་གི་སྐུའི་འཁྲུངས་སྐར་སྲུང་བརྩི།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:11 0:00

ཐད་ཀར་ཕབ་ལེན་གྱི་དྲ་འབྲེལ།

• 32 kbps | MP3

གསན་གཟིགས་གནང་ས།