༧གོང་ས་མཆོག་གིས་མ་ལེ་ཞི་ཡའི་ན་གཞོན་ཚོར་བཀའ་སློབ།

༄༅།། མ་ལེ་ཞི་ཡའི་བོད་ཀྱི་རིག་གཞུང་བསྟི་གནས་ཁང་དང་མ་ལེ་ཞི་ཡའི་ཁ་ཆེ་གཞོན་སྐྱེས་ཀྱི་ལས་འགུལ་ཁང་ཐུན་མོང་གིས་ཇི་ལྟར་གསོལ་བ་བཏབ་པ་བཞིན་ཕྱི་ཟླ་༩་པའི་ཚེས་༢༨་ཉིན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་མ་ལེ་ཤི་ཡའི་ཁ་ཆེའི་གཙུག་ལག་སློབ་གྲྭའི་སློབ་དཔོན་ཨོ་སི་མན་བྷ་ཀར་གྱི་ལྷན་དུ་དྲྭ་ལམ་བརྒྱུད་ནས་ནང་ཆོས་དང་ཁ་ཆེའི་ཆོས་ལུགས་གཉིས་ཀྱིས་བསྟན་པའི་བྱམས་པ་དང་སྙིང་རྗེའི་སྐོར་བཀའ་མོལ་གནང་རྒྱུའི་མཛད་རིམ་ཞིག་བསྐྱངས་སོང་།།

ད་ཐེངས་ཀྱི་མཛད་རིམ་གོ་སྒྲིག་པ་བོད་ཀྱི་རིག་གཞུང་བསྟི་གནས་ཁང་གི་ཚོགས་གཙོས་མ་འོངས་པར་༧གོང་ས་སྐྱབས་མགོན་ཆེན་པོ་མཆོག་མ་ལེ་ཞི་ཡར་ཆིབས་སྒྱུར་བསྐྱང་དགོས་པའི་གསོལ་འདེབས་ཞུས། ༧གོང་ས་མཆོག་གིས་ཀྱང་ཐུགས་དགྱེས་ཚོར་ཆེན་པོས་ཞལ་བཞེས་མཛད། ཏོག་དབྱིབས་ནད་དུག་ཁྱབ་གདལ་གྱི་ཛ་དྲག་འཇོམས་པའི་རྗེས་སུ་༧གོང་ས་སྐྱབས་མགོན་ཆེན་པོ་མཆོག་སིངྒ་པུར་དང་མ་ལེ་ཞི་ཡ་སོགས་ལ་ཆིབས་སྒྱུར་བསྐྱང་རྒྱུའི་དགོངས་པ་བཞེས་ཀྱི་ཡོད་ཅེས་བཀའ་ལན་གནས་སོང་།།

སྔོན་ཆད་མ་ལེ་ཞི་ཡའི་སྲིད་བློན་ཟུར་པ་ཐུན་ཀུ་ཨབ་རྡུལ་ར་ཧ་མན་གྱིས་མཉམ་འབྲེལ་རྒྱལ་ཚོགས་སུ་བོད་དོན་གླེང་སློང་དང་རྒྱབ་སྐྱོར་གང་ཐུབ་གནང་བར་དྲན་གསོ་ཞུས་ནས་མ་འོངས་པར་མགོན་པོ་གང་ཉིད་རྒྱལ་ཁབ་དེར་ཆིབས་སྒྱུར་བསྐྱངས་བའི་སྐབས་སུའང་དམ་པ་དེ་ཉིད་ཀྱི་མཛད་རྗེས་ལ་རྗེས་དྲན་ཞུ་རྒྱུ་ཡིན་ཞེས་གསུངས་ཏེ་ལོ་རྗེས་མར་ངེས་པར་དུ་ཕེབས་ཐུབ་ངེས་རེད་ཅེས་ཐུགས་ཐག་ཆོད་པོས་གསུང་ལན་གནང་ཡོད་པ་སོགས་ཀྱི་སྐོར། བཞུགས་སྒར་ནས་འདི་གའི་གསར་འགོད་པ་བསྟན་འཛིན་བཟང་མོ་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།

Embed share

༧གོང་ས་མཆོག་གིས་མ་ལེ་ཞི་ཡའི་ན་གཞོན་ཚོར་བཀའ་སློབ།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:53 0:00

ཐད་ཀར་ཕབ་ལེན་གྱི་དྲ་འབྲེལ།

• 128 kbps | MP3
• 32 kbps | MP3

གསན་གཟིགས་གནང་ས།