བོད་ཀྱི་རིག་གནས་གཙུག་ལག་རབ་འབྱམས་པ་༩་བསླབ་པ་མཐར་སོན།

༄༅།། རྒྱ་གར་གྱི་བྷེང་ལོར་གཙུག་ལ་སློབ་གྲྭ་དང་མཱེ་སོར་གཙུག་ལག་སློབ་གྲྭ་གཉིས་ཀྱིས་ངོས་འཛིན་ཡོད་པའི་བྷེང་ལོར་ཏཱ་ལའི་བླ་མ་མཐོ་རིམ་སློབ་གཉེར་ཁང་གི་ཉེ་བའི་གཙུག་ལག་རབ་འབྱམས་པ་དང་གཙུག་ལག་རབ་འབྱམས་པ་བཅས་ཁྱོན་བསྡོམས་སློབ་ཕྲུག་༧༩་བསླབ་པ་མཐར་སོན་བྱུང་ཡོད་ཅིང་། ལྷག་པར་དུ་ལོ་འདིར་དམིགས་བསལ་གྱི་བྷེང་ལོར་གཙུག་ལག་སློབ་གྲྭས་ངོས་འཛིན་ཡོད་པའི་བོད་ཀྱི་སྐད་ཡིག་དང་རྩོམ་རིག་གི་གཙུག་ལག་རབ་འབྱམས་པ་སློབ་ཕྲུག་དགུ་ཐོན་ཡོད་པ་ནི་མཐོ་སློབ་དེའི་ལོ་རྒྱུས་སུ་ཐེངས་དང་པོ་ཡིན་འདུག

ད་ལོ་ཏོག་དབྱིབས་རིམས་ནད་ཀྱིས་རྒྱ་གར་རྒྱལ་ཡོངས་སུ་སློབ་གྲྭ་ཁག་ཚུགས་མ་ཐུབ་པ་དང་ཡིག་རྒྱུགས་གཏང་རྒྱུ་སོགས་ཕྱོགས་གང་ཐད་དུ་དཀའ་ངལ་འཕྲད་བཞིན་ཡོད་པ་ལྟར་བྷེང་ལོར་གྲོང་ཁྱེར་དུ་ཚུགས་པའི་ཏཱ་ལའི་བླ་མ་མཐོ་རིམ་སློབ་གཉེར་ཁང་གི་སློབ་ཕྲུག་གསར་བསྡུ་ལའང་སློབ་ཕྲུག་རྣམས་སྔར་བཞིན་མཐོ་སློབ་ཏུ་འཛོམས་ཐུབ་ཀྱི་མེད་ཅིང་། དེང་སྐབས་ཀར་ན་ཀྲ་ཀ་མངའ་སྡེ་སྤྱི་དང་བྷེང་ལོར་ཁུལ་དུ་ནད་ཡམས་ཁྱབ་གདལ་གྱི་ཛ་དྲག་ཇེ་ཆེར་འགྲོ་བཞིན་ཡོད་པས་ལོ་འདིར་སློབ་ཕྲུག་གསར་པའི་ཚུད་རྒྱུགས་དེ་ས་གནས་ཁག་བརྒྱད་ལ་ཆ་བགོ་བྱས་ཏེ་ཡིག་རྒྱུགས་ལེན་དགོས་བྱུང་ཡོད་པར་མ་ཟད། ཕྱི་ཟླ་༨་པའི་ཚེས་༡༨་ཉིན་བོད་ཀྱི་རིག་གནས་གཙུག་ལག་རབ་འབྱམས་པ་དང་ཉེ་བའི་གཙུག་ལག་རབ་འབྱམས་པའི་སྡེ་ཚན་དུ་སློབ་ཕྲུག་༢༣་གྱིས་ཚུད་རྒྱུགས་བཏང་སྟེ་སློབ་ཕྲུག་༢༢་ཀྱིས་རྒྱུགས་འཕྲོད་འདུག

ཏཱ་ལའི་བླ་མ་མཐོ་རིམ་སློབ་གཉེར་ཁང་དུ་ལོ་འདིར་སློབ་ཕྲུག་གསར་པ་བོད་རིག་པའི་གཙུག་ལག་རབ་འབྱམས་པ་༢༢་དང་བོད་རིག་པའི་ཉེ་བའི་གཙུག་ལག་རབ་འབྱམས་པ་བདུན། སྒྱུ་རྩལ་སྡེ་ཚན་ལ་སློབ་ཕྲུག་༤༡་དང་གློག་ཀླད་སྡེ་ཚན་ལ་སློབ་ཕྲུག་བཅུ། ཚོང་རིག་སྡེ་ཚན་ལ་སློབ་ཕྲུག་༨༦་བཅས་ཁྱོན་བསྡོམས་སློབ་ཕྲུག་༡༠༨་གསར་བསྡུ་བྱས་འདུག ཏཱ་ལའི་བླ་མ་མཐོ་རིམ་སློབ་གཉེར་ཁང་ནི་ཕྱི་ལོ་༢༠༡༦་ནས་རྒྱལ་སྤྱིའི་ཐོག་ཏུ་ངོས་འཛིན་ཡོད་པའི་སློབ་གཉེར་ཁང་ཞིག་ཏུ་དེབ་སྐྱེལ་ངོས་འཛིན་ཐོབ། ད་ལྟའི་བར་དུ་སློབ་གཉེར་བ་༤༤༣་བསླབ་པ་མཐར་སོན་བྱུང་ཡོད་པ་རེད།།

Embed share

བོད་ཀྱི་རིག་གནས་གཙུག་ལག་རབ་འབྱམས་པ་༩་བསླབ་པ་མཐར་སོན།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:06:41 0:00

ཐད་ཀར་ཕབ་ལེན་གྱི་དྲ་འབྲེལ།

• 128 kbps | MP3
• 32 kbps | MP3

གསན་གཟིགས་གནང་ས།