ཨ་རིའི་སྲིད་འཛིན་ཟུར་པ་ཇཱི་མཱི་ཀར་ཌར་ཁ་སང་རེ་གཟའ་ཟླ་བའི་ཕྱི་དྲོར་སྨན་ཁང་དུ་ཕེབས་དགོས་བྱུང་བ་དང་། དེ་རིང་གཟའ་མིག་དམར་གྱི་ཞོགས་པར་ཁོང་གི་ཀླད་པར་གཤག་བཅོས་བྱས་ཡོད་ཅིང་། ད་ལྟ་དགུང་ལོ་༩༥་ལ་ཕེབས་པའི་སྐུ་ཞབས་ཀར་ཌར་ནི་ཨ་རིའི་སྲིད་འཛིན་འཚོ་བཞུགས་ཡོད་པའི་གྲས་ཀྱི་ཚེ་ཐག་རིང་ཤོས་སུ་ཡིན་པ་རེད།
བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་ཏཱ་ལའི་བླ་མ་མཆོག་གིས་གསར་འགྱུར་དེ་གསན་མ་ཐག་ཏུ་འཕྲལ་མྱུར་འཚམས་འདྲིའི་ཕྱག་བྲིས་ཤིག་གནང་སྟེ་ཨ་རིའི་སྲིད་འཛིན་ཟུར་པ་ཇཱི་མཱི་ཀར་ཌར་གང་མགྱོགས་སྙུང་གཞི་དྲག་སྐྱེད་ཡོང་བའི་སྨོན་ལམ་ཡོད་ཅེས་གསུངས་ཡོད་པ་སོགས་ཀྱི་སྐོར། པ་སངས་དབྱངས་སྐྱིད་ཀྱིས་སྙན་སྒྲོན་ཞུ་ཡི་རེད།
