ངོ་འཕྲད་བདེ་བའི་དྲ་འབྲེལ།

གཟའ་པ་སངས། ༢༠༢༤/༠༣/༢༩

༧གོང་ས་མཆོག་གིས་ཀ་མ་ལ་ཧེ་རི་སི་ལ་རྟེན་འབྲེལ་ཞུས་པ།


༄༅།། ཕྱི་ཟླ་དང་པོའི་ཚེས་༢༣་ཉིན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་ཏཱ་ལའི་བླ་མ་མཆོག་གིས་ཉེ་ཆར་ཨ་རིའི་སྲིད་འཛིན་གཞོན་པའི་མཛད་ཁུར་བཞེས་པའི་ཀ་མ་ལ་ཧེ་རི་སི་ལ་རྟེན་འབྲེལ་ཞུ་བའི་གསུང་འཕྲིན་ཞིག་སྩལ་འདུག ཀ་མ་ལ་ཧེ་རི་སི་ནི་ཨ་རིའི་བུད་མེད་ཅིག་སྲིད་འཛིན་གཞོན་པ་འདེམས་ཐོན་བྱུང་བ་ཐེངས་དང་པོ་ཡིན་པར་མ་ཟད། མི་རིགས་ནག་པོ་དང་རྒྱ་གར་བའི་མི་རྒྱུད་ཅིག་ཨ་མི་རི་ཀའི་སྲིད་འཛིན་གཞོན་པར་འོས་འདེམས་བྱུང་བ་ཐེངས་དང་པོ་ཡིན་ཞིང་། དགའ་ལྡན་ཕོ་བྲང་གི་དྲུང་ཡིག་ཆེན་མོ་ཆོས་སྐྱབས་པ་འཆི་མེད་རིག་འཛིན་གྱིས་༧གོང་ས་མཆོག་གི་གསུང་འཕྲིན་དེར་ཀ་མ་ལ་ཧེ་རི་སི་སྲིད་འཛིན་གཞོན་པར་འདེམས་ཐོན་བྱུང་བ་ནི་ཨ་མི་རི་ཀ་གཅིག་པུ་མིན་པར་འཛམག་གླིང་ཡོངས་ལ་མིག་དཔེར་འོས་པ་ཞིག་ཏུ་གྱུར་སོང་ཞེས་འཁོད་ཡོད་པའི་འགྲེལ་བརྗོད་གནང་འདུག

༧གོང་ས་མཆོག་གི་གསུང་འཕྲིན་དེར་བུད་མེད་ལ་བྱམས་བརྩེ་དང་ཚོར་ཤེས་ཀྱི་ནུས་པ་ཆེ་བ་འདུག འདི་ནི་༧གོང་ས་མཆོག་གང་ཉིད་ཀྱི་རྒྱལ་ཡུམ་ཆེན་མོའི་ཐུགས་གཤིས་ལས་མཁྱེན་རྟོགས་བྱུང་སོང་ཞེས་ལུང་འདྲེན་མཛད་ཡོད་ཅིང་། འཛམ་གླིང་འདི་ཞི་བདེ་ལྡན་པའི་སྤྱི་ཚོགས་ཤིག་ལ་འགྱུར་བར་བུད་མེད་ཀྱི་འགོ་ཁྲིད་མང་ཙམ་ཕེབས་ཐུབ་པའི་ཐུགས་རེ་འཆང་བཞིན་ཡོད་ཅེས་བཀོད། ཁ་སྔོན་༧གོང་ས་མཆོག་གིས་སྲིད་འཛིན་ཇཱོ་བྷ་ཌན་ལ་རྟེན་འབྲེལ་ཞུ་བའི་གསུང་འཕྲིན་སྩལ་བ་ལྟར་སྲིད་འཛིན་གཞོན་པ་ཀ་མ་ལ་ཧེ་རི་སི་ལ་སྩལ་བའི་གསུང་འཕྲིན་ནང་དུའང་མགོན་པོ་གང་ཉིད་ཀྱིས་རྟག་ཏུ་ཨ་རིའི་རང་དབང་དང་དམངས་གཙོ། ཆོས་དད་རང་དབང་དང་ཁྲིམས་ཀྱིས་སྐྱོང་བའི་ལམ་ལུགས་བཅས་ལ་མོས་པ་ཆེན་པོ་ཡོད། ཀ་མ་ལ་ཧེ་རི་སི་ཡིས་ཨ་རིའི་སྲིད་འཛིན་གཞོན་པ་༤༩་པའི་མཛད་ཁུར་བཞེས་པའི་རིང་ལ་བཞེད་དོན་མཐའ་དག་ལྷུན་གྱིས་འགྲུབ་པའི་སྨོན་འདུན་ཡོད་ཅེས་གསུངས་འདུག

ཀ་མ་ལ་ཧེ་རི་སི་ནི་ཨ་རིའི་ཁེ་ལི་ཧྥོ་ཎི་ཡ་མངའ་ཁུལ་དུ་སྐྱེས་ཤིང་། ཁོང་གི་ཨ་མ་༡༩༥༨་ལོར་རྒྱ་གར་ལྷོ་ཕྱོགས་ཀྱི་ཏ་མཱིལ་ན་དྷུ་མངའ་སྡེ་ནས་ཨ་རིར་སློབ་གཉེར་དུ་སླེབས་པ་དང་ཁོང་གི་ཨ་ཕ་ནི་ལྷོ་ཨ་མི་རི་ཀའི་རྒྱལ་ཁབ་ཇཱ་མཱེ་ཁ་ནས་ཨ་མི་རི་ཀར་སློབ་སྦྱོང་དུ་ཡོང་བའི་ཕྱི་མི་གཞིས་ཆགས་པ་ཞིག་ཡིན་འདུག ཀ་མ་ལ་ཧེ་རི་སི་སྲིད་འཛིན་གཞོན་པར་འདེམས་ཐོན་བྱུང་སྟེ་ལས་ཁུར་བཞེས་པའི་ཉིན་དེར་རྒྱ་གར་གྱི་སྲིད་བློན་མོ་དྷིས་ལོ་རྒྱུས་ཀྱི་དོན་སྙིང་ལྡན་པའི་དུས་སྐབས་ཞེས་རྟེན་འབྲེལ་ཞུས། རྒྱ་གར་གྱི་ཏ་མཱིལ་ན་དྷུ་གཙོས་ས་གནས་ཁག་ཏུ་ཤོག་སྦག་བརྒྱབ་ནས་དགའ་སྟོན་བྱས་འདུག་པའི་སྐོར། བཞུགས་སྒར་རྡ་རམ་ས་ལ་ནས་ཨ་རིའི་རླུང་འཕྲིན་ཁང་གི་གསར་འགོད་པ་བསྟན་འཛིན་བཟང་མོ་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།

ཐད་ཀར་ཕབ་ལེན་གྱི་དྲ་འབྲེལ།


XS
SM
MD
LG