ཉེ་ལམ་དཀར་མཛིས་ཁུལ་དུ་བོད་མི་གསུམ་བཙོན་འཇུག་བྱས་ཡོད་པའི་སྐོར་དང་། རྒྱ་གར་གྱི་ཕྱི་འབྲེལ་བློན་ཆེན་གྱིས་རྒྱ་ནག་དང་མཉམ་དུ་ས་མཚམས་རྩོད་རྙོག་ཡོད་བཞིན་དུ་གནད་དོན་གཞན་ཐད་མཉམ་ལས་བྱེད་མི་ཐུབ་པ་དང་བོད་ཀྱི་སྲིད་ཇུས་ལ་སྐྱར་ཞིབ་དགོས་པའི་སྐད་ཆ་བཤད་ཡོད་པའི་སྐོར། ཨ་རིའི་སྲིད་འཛིན་བྷའེ་ཌེན་ལ་རྒྱ་ནག་གི་ཨོ་ལིམ་པིག་ཐད་ཆབ་སྲིད་ཚོགས་པ་གཉིས་ཀས་སྣོན་ཤུགས་སྤྲོད་བཞིན་ཡོད་པའི་སྐོར། ཨ་མི་རི་ཁ་མངའ་སྡེ་གཅིག་སྒྲིལ་རྒྱལ་ཁབ་ཀྱིས་ཐའེ་ཝན་དང་འབྲེལ་བ་ཉེ་རུ་གཏོང་རྒྱུའི་ཁྲིམས་ཡིག་གྲོས་འཆར་སྟོན་ཡོད་པའི་སྐོར། རྒྱ་ནག་གི་འཛིན་བཟུང་བྱས་པའི་ཨོ་སི་ཊོ་ལེས་ཡའི་མི་སེར་ཡཱང་གིས་ས་ཁམས་ཆབ་སྲིད་ཀྱི་འགལ་བའི་ཤུགས་རྐྱེན་གྱིས་ཁོང་ལ་ཉེས་ཆད་ལྕི་པོ་སྤྲོད་སྲིད་པའི་བློ་ཚབ་བྱེད་ཀྱི་ཡོད་པའི་སྐོར། རྒྱ་གར་གྱིས་སྤྱི་ཟླ་དྲུག་པའི་ནང་འགོག་སྨན་ཐུན་ས་ཡ་༡༢༠་རྒྱག་ཐུབ་པ་བྱེད་རྒྱུའི་ཁས་ལེན་བྱས་ཡོད་པའི་སྐོར།