རྒྱ་གར་དུ་ཉི་མ་ལ་རེ་ལ་ཏོག་དབྱིབས་རིམས་ནད་ཕོག་མཁན་འབུམ་གཅིག་ལྷག་བྱུང་བཞིན་པ་ཡིས་དཔལ་འབྱོར་གྱི་མཐུན་རྐྱེན་ཞན་པའི་རྒྱལ་ཁབ་ཁག་ཏུ་འགོག་སྨན་འདོན་སྤྲོད་བྱ་རྒྱུར་འགོག་རྐྱེན་ཐེབས་སྲིད་པའི་ཚོད་དཔག་བྱེད་བཞིན་པ། འབྲུག་ཡུལ་དུ་ལོ་ལོན་རྒན་རྒོན་ཕལ་ཆེ་བར་ཏོག་དབྱིབས་རིམས་ནད་ཀྱི་འགོག་སྨན་བརྒྱབ་ཟིན་པ། འབར་མའི་ངོ་རྒོལ་ལས་འགུལ་བ་དག་གིས་ལོ་སར་དུས་ཆེན་གྱི་མཛད་སྒོ་མ་འཚོགས་པར་ཁུ་སིམ་མེར་གཞུང་ལ་ངོ་རྒོལ་གྱི་ལས་འགུལ་སྤེལ་བཞིན་པ། རྒྱ་ནག་གིས་ཐེ་ཝན་མཚོ་རྒྱུད་དུ་འཇིགས་སྐུལ་གྱི་ལས་དོན་སྤེལ་བཞིན་པ་དང་བསྟུན་ནས་ཐེ་ཝན་གྱིས་རང་སྲུང་གི་ནུས་སྟོབས་ཡར་རྒྱས་གཏོང་བཞིན་པ་སོགས་ཀྱི་གནས་ཚུལ་ཡོད།