ཨ་རིའི་རླུང་འཕྲིན་ཁང་གི་ཐེངས་འདིའི་ཀུན་གླེང་གསར་འགྱུར་ནང་༧གོང་ས་མཆོག་གིས་དྲ་ལམ་བརྒྱུད་སོག་པོའི་གཞོན་སྐྱེས་ཚོར་གསུང་ཆོས་གནང་བ་དང་། བོད་ཀྱི་བུད་མེད་སྒེར་ལངས་ཉིན་མོ་སྲུང་བརྩི། ཨ་རིའི་ཕྱི་སྲིད་དང་ཏོག་ནད་ངལ་སེལ་རོགས་སྐྱོར། བཞུགས་སྒར་སོགས་ཀྱི་བཙན་བྱོལ་བོད་མིའི་ཁྲོད་ཏོག་ནད་ཁྱབ་ཚད་སོགས་ཀྱི་གསར་འགྱུར་ཡོད། དེ་རིང་གི་དྲ་སྣང་གི་བོད་དུ་གྲོས་མཐུན་དོན་ཚན་བཅུ་བདུན་དང་འབྲེལ་བའི་དཔྱད་རྩོམ་བསྡུ་ལེན་དང་། བོད་ཀྱི་བང་ཁྲི། ཚན་རིག་ཡིག་མཛོད་སོགས་ངོ་སྤྲོད་བྱས་ཡོད། ཐེངས་འདིའི་ཀུན་གླེང་ལས་རིམ་དུ་ཚེ་རིང་དབང་མོ་ལགས་ཀྱིས་ཚེ་བརྟན་དབང་ཕྱུག་ལགས་དང་ལྷན་རྒྱ་ནག་གི་ཚོགས་ཆེན་གཉིས་ཀྱི་ཐག་གཅོད་སོགས་ཀྱི་ཐད་བགྲོ་གླེང་ཞུས་པ་དང་། ཐེ་ཝན་དུ་བཅའ་བཞུགས་སྐུ་ཚབ་དོན་གཅོད་ཟླ་བ་ཚེ་རིང་ལགས་ལ་ཉེ་ཆར་ཐེ་ཝན་དུ་འཚོགས་པའི་སྐུའི་ཡང་སྲིད་དང་འབྲེལ་བའི་བགྲོ་གླེང་ཚོགས་འདུའི་ཐད་བཅར་འདྲི་ཞུས་ཡོད་པས་དུས་ཐོག་གསན་གཟིགས་གནང་བར་ཞུ།།