ཨ་རིའི་འདེམས་ཐོན་སྲིད་འཛིན་ཇོ་བྷད་ཊན་གྱིས་ཨ་རིའི་རྒྱལ་སྲུང་ལྷན་ཁང་ནས་སྲིད་དབང་རྩིས་སྤྲོད་ཀྱི་འགྲོ་ལུགས་ལུགས་མཐུན་ངང་སྒྲུབ་མ་སོང་ཅེས་སྐྱོན་བརྗོད་བྱེད་བཞིན་ཡོད་པ། ཉེ་ཆར་བལ་ཡུལ་གྱི་སྲིད་བློན་ཤར་མ་ཨོ་ལིས་རྒྱལ་ཡོངས་གྲོས་ཚོགས་ཕྱིར་བསྡུ་བྱས་པར་བལ་ཡུལ་གྱི་རྒྱལ་སར་མི་མང་པོས་ངོ་རྒོལ་བྱས་ཡོད་པ། རྒྱ་གར་ཏུ་བདུན་ཕྲག་གཅིག་གི་རྗེས་ནས་བཟུང་ཏོག་དབྱིབས་རིམས་ནད་ཀྱི་འགོག་སྨན་རྒྱག་ཐུབ་རྒྱུའི་རེ་བ་བྱེད་ཀྱི་ཡོད་པ་ལྟར་ད་ལྟ་ནས་དེའི་ཐད་གསབ་སྦྱོང་སྤྲོད་བཞིན་ཡོད་པ། རྒྱ་ནག་གི་རྒྱལ་ས་པེ་ཅིན་དུ་ཉེ་ཆར་ནས་བསྐྱར་དུ་རིམས་ནད་ཕོག་མཁན་གྱི་མི་བཅུ་གྲངས་ཤིག་བྱུང་བ་ལ་བརྟེན་ནས་ས་ཁུལ་ཁག་ཅིག་གི་ནང་བཀག་སྡོམ་བྱས་ཡོད་པ་སོགས་ཀྱི་གནས་ཚུལ་ཡོད།