ཨ་རིས་སྲིད་འཛིན་གཞོན་པ་མཱད་ཁི་ཕིན་སི་སོགས་གནད་ཡོད་མི་སྣ་རེ་ཟུང་ལ་ཏོག་དབྱིབས་རིམས་ནད་ཀྱི་འགོག་སྨན་རྒྱག་རྒྱུའི་མགོ་བརྩམས་ཡོད་པ། ཡོ་རོབ་གྲོས་ཚོགས་ནས་རྒྱ་ནག་གིས་ཡུ་གུར་བར་དྲག་གནོན་བྱེད་བཞིན་པར་སྐྱོན་བརྗོད་དང་རང་དབང་ལྡན་པའི་ཞིབ་འཇུག་ཚོགས་པར་དེའི་ཐད་ཞིབ་འཇུག་བྱེད་དུ་འཇུག་རྒྱུའི་དགོས་འདུན་བཏོན་ཡོད་པ། ཨ་མེ་རི་ཁའི་གྲོས་ཚོགས་འཐུས་མི་བདུན་བཅུ་དོན་གྲངས་ཀྱིས་ཕྱི་སྲིད་དྲུང་ཆེ་མཱད་ཁི་ཕིན་ཕས་ཨོ་ཡི་མིང་ཐོག་ཏུ་སྙན་ཞུ་ཕུལ་ནས་ཨ་རིས་ཐེ་ཝན་དང་འབྲེལ་ལམ་ཡར་རྒྱས་གཏོང་རྒྱུའི་དགོས་འདུན་བཏོན་ཡོད་པ། ཨ་རིའི་འདེམས་ཐོན་སྲིད་འཛིན་ཇོ་བྷད་ཊན་གྱི་སློབ་སྟོན་པས་མ་འོངས་བར་ཐེ་ཝན་ལ་འབྲེལ་བ་འཛིན་ཕྱོགས་ཀྱི་ཐད་བགྲོ་གླེང་བྱས་ཡོད་པ་བཅས་ཀྱི་གནས་ཚུལ་ཡོད།