ཉེ་ཆར་ཨ་རིས་རྒྱལ་སྲུང་ཐད་ཀྱི་གྲོས་ཆོད་ཅིག་བཞག་ཡོད་པའི་ནང་དུ། རྒྱ་ནག་གིས་རྒྱ་གར་གྱི་ས་མཚམས་སུ་བཙན་འཛུལ་བྱེད་བཞིན་པ་མཚམས་འཇོག་བྱ་དགོས་པའི་ཉེན་བརྡ་བཏང་ཡོད་པ། རྒྱ་ནག་གིས་ཨོ་སི་ཁྲི་རི་ལིས་ཡ་ནས་ནང་འདྲེན་བྱེད་ཀྱི་ཡོད་པའི་འབྲུ་རིགས་ལ་སྒོ་ཁྲལ་སྤར་བས་ཨོ་སི་ཁྲི་རི་ལིས་ཡས་འཛམ་གླིང་ཚོང་དོན་སྒྲིག་འཛུགས་ལ་གནས་ཚུལ་དེ་གཏུག་བཤེར་བྱས་ཡོད་པ། ཨ་རིས་ཐེ་ཝན་གྱི་དམག་གྲུའུ་སྟེང་ཨ་རིའི་མ་ལག་སྒྲིག་འཇུག་བྱ་རྒྱུར་ཆོག་མཆན་བཀོད་ཡོད་པ་ཐེ་ཝན་རྒྱལ་སྲུང་ལས་ཁུངས་ཀྱིས་གསལ་བསྒྲགས་སྤེལ་ཡོད་པ། རྒྱ་གར་དུ་ཞིང་བས་ངོ་རྒོལ་བྱེད་བཞིན་པའི་དཀའ་ངལ་སེལ་ཐབས་སུ་དབུས་གཞུང་ནས་གྲོས་མོལ་ལྷན་ཚོགས་ཤིག་འཛུགས་དགོས་པའི་བཀའ་ཁྱབ་བཏང་ཡོད་པ་སོགས་ཀྱི་གནས་ཚུལ་ཡོད།