ཨ་རིའི་གྲོས་ཚོགས་གོང་འོག་གཉིས་ནས་རྒྱལ་སྲུང་ལས་དོན་ཐད་ཀྱི་ཁྲིམས་འཆར་ཞིག་ལ་ཆོག་མཆན་བཀོད་ཡོད་ཅིང་། ཁྲིམས་འཆར་འདིས་ཞི་བདེ་རྒྱ་མཚོའི་མངའ་ཁུལ་དུ་རྒྱ་ནག་གི་སྟོབས་ཤུགས་རྒྱ་བསྐྱེད་ལ་ཁ་གཏད་གཅོག་རྒྱུར་ནུས་པ་ཆེན་པོ་ཐོན་ཡོད་པ། མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་གི་ཡོངས་ཁྱབ་གསལ་བསྒྲགས་སྤེལ་བའི་ཉིན་མོ་དང་བསྟུན་ནས་བོད་རྒྱལ་ཡོངས་དམངས་གཙོ་ཚོགས་པས་རྒྱ་ནག་གཞུང་ལ་ངོ་རྒོལ་གྱི་ལས་འགུལ་སྤེལ་ཡོད་པ། འབྲུག་ཡུལ་གྱི་གྲོས་ཚོགས་ནས་མཚན་མཐུན་གཉེན་སྒྲིག་སོགས་ཀྱི་ཐད་དམ་དྲག་བྱེད་བཞིན་པའི་ཁྲིམས་ལུགས་ལ་ལེགས་བཅོས་བྱ་འཆར་ཡོད་པ། ཨ་རིའི་ཕྱི་སྲིད་དྲུང་ཆེ་མད་ཁི་ཕིན་ཕས་ཨོ་ཡིས་ཉེ་ཆར་ཧོང་ཀོང་གཞུང་གིས་ཉེས་འཛུགས་བྱས་ཡོད་པའི་ཇེ་མས་ལས་ལ་རྒྱབ་སྐྱོར་གྱི་གཏམ་བཤད་གནང་ཡོད་པ་སོགས་ཀྱི་གནས་ཚུལ་ཡོད།