༧གོང་ས་རྒྱལ་བ་རིན་པོ་ཆེ་མཆོག་ནས་དྲ་ལམ་བརྒྱུད་འཇར་མན་གྱི་ཨེ་ཡིན་སི་ཐཱན་གླེང་སྟེགས་ཁང་གི་ཉམས་ཞིབ་པ་དག་དང་ལྷན་དུ་ནང་དོན་རིག་པ་དང་ཚན་རིག་ཐད་ཀྱི་གསུང་བཤད་གནང་ཡོད་པ། རྒྱ་ནག་གཞུང་གིས་ཕྱི་རྒྱལ་གྱི་ཆོས་ཚོགས་ཁག་དང་དད་ལྡན་པ་སོགས་ཀྱིས་རྒྱ་ནག་ཏུ་ཆོས་ཕྱོགས་ཀྱི་བྱེད་སྒོ་སྤེལ་རྒྱུ་བཀག་འགོག་གི་ཆེད་དུ་ཁྲིམས་གསར་པ་ཞིག་གཏན་འབེབས་བྱ་འཆར་ཡོད་པ། དེ་སྔོན་རྒྱལ་རོང་གི་བུ་མོ་ཞིག་རང་གི་ཁྱོ་ག་སྔོན་མས་མེ་ལ་སྒྲོན་ནས་རྐྱེན་ལམ་དུ་བཏང་བའི་གནས་ཚུལ་དེའི་སྐོར་ལ་མུ་མཐུད་ནས་གླེང་སློང་བྱེད་བཞིན་པ། ཨ་རིའི་འདེམས་ཐོན་སྲིད་འཛིན་ཇོ་བྷད་ཊན་གྱིས་ཕོ་བྲང་དཀར་པོས་སྲིད་དབང་རྩིས་སྤྲོད་བྱ་རྒྱུར་མཐུན་འགྱུར་གནང་གི་ཡོད་པའི་ཐད་གསར་འགོད་པའི་དྲི་བར་ལན་བཏབ་ཡོད་པ་བཅས་ཀྱི་གནས་ཚུལ་ཡོད།