ཨ་རི་ལ་ད་སྔ་ཏོག་དབྱིབས་རིམས་ནད་ཀྱིས་འཆི་སྐྱོན་བྱུང་བའི་མིའི་གྲངས་འབོར་དེ་འབུམ་གཉིས་དང་ཁྲི་ལྔ་ལྷག་བརྒལ་ཡོད་ནའང་ད་དུང་གཅིག་གྱུར་གྱི་ནད་ཡམས་སྔོན་འགོག་གི་བྱ་ཐབས་ཤིག་ལག་ལེན་བྱ་ཐུབ་ཀྱི་མེད་པ། རྒྱ་ནག་གིས་རྒྱ་གར་དེ་ཁ་གཏད་ཡུལ་གྱི་དགྲ་ཟླ་ལ་ངོས་འཛིན་བྱེད་བཞིན་པ་དང་། རྒྱ་གར་གྱིས་ཨ་རི་དང་ཨོ་སི་ཁྲི་ལི་ཡ་སོགས་རྒྱལ་ཁབ་དང་འབྲེལ་ལམ་ཡར་རྒྱས་གཏོང་བཞིན་པར་རྒྱ་ནག་གིས་འགོག་རྐྱེན་བཟོ་ཐབས་བྱེད་ཀྱི་ཡོད་པ། ཨ་རི་དང་ཡུ་རོབ་མཉམ་འབྲེལ་སོགས་དམངས་གཙོའི་རྒྱལ་ཁབ་ཁག་མཉམ་འབྲེལ་གྱིས་རྒྱ་ནག་ལ་ཁ་གཏད་གཅོག་རྒྱུ་གལ་ཆེན་པོ་ཡིན་པའི་སྐོར་ལ་ཨ་རིའི་གྲོས་ཚོགས་གོང་མའི་ཕྱི་འབྲེལ་ལས་དོན་ཚོགས་ཆུང་གིས་སྙན་ཐོ་གསར་པ་ཞིག་བཏོན་ཡོད་པ། གཞན་སྤྱི་ལོ་ཉིས་སྟོང་ཉེར་གཅིག་ལོའི་བོད་ཀྱི་སྲིད་སྐྱོང་གི་འོས་མི་བཀའ་ཟུར་བློ་བཟང་སྙན་གྲགས་ལགས་ལ་བཅར་འདྲི་བྱས་ཡོད་པ་བཅས་ཀྱི་གནས་ཚུལ་ཡོད།