ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བོད་ཀྱི་གཞོན་ནུ་ཚོགས་པས་ཧིན་བོད་ས་མཚམས་བར་སྦག་སྦག་སྐོར་སྐྱོད་ཀྱི་བོད་དོན་ལས་འགུལ་འགོ་ཚུགས་པ་དང་། ཏོག་དབྱིབས་རིམས་ནད་ཀྱི་འགོག་སྨན་ལེགས་འགྲུབ་ཡོང་བཞིན་པ། མི་མང་གིས་ནད་ཡམས་འདིར་ཇི་མི་སྙམ་པའི་སྣང་ཚུལ་ཡོང་བཞིན་པ། བཙན་བྱོལ་བོད་མི་ཁྲི་༨ ཙམ་གྱིས་འོས་བསྡུའི་ཐོ་འགོད་བྱས་པ་སོགས་ཀྱི་གསར་འགྱུར་ཡོད། དེ་རིང་གི་ཀུན་གླེང་དུ་འདི་ག་ཨ་རིའི་རླུང་འཕྲིན་ཁང་གིས་ཕྱི་ལོ་༢༠༢༡ ལོའི་སྲིད་སྐྱོང་འོས་བསྡུའི་ནང་འོས་མིར་ལངས་མཁན་དག་ལ་དམིགས་བསལ་བཅར་འདྲི་ཞུ་བཞིན་པའི་ལེ་ཚན་ལས་སྐལ་རྡོར་ལགས་དང་བཀྲ་ཤིས་དབང་ཕྱུག་ལགས་རྣམ་གཉིས་ལ་དམིགས་བསལ་བཅར་འདྲི་ཞུས་པ་གཟིགས་འབུལ་ཞུ་རྒྱུ་ཡིན།