ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ལས་རིམ་ནང་༧གོང་ས་མཆོག་གིས་ནོ་བྷེལ་ཞི་བདེའི་གཟེངས་རྟགས་ཐོབ་མཁན་ལ་དགའ་བསུའི་གསུང་འཕྲིན་བསྩལ་བ་དང་། སེམས་ཁམས་འཕྲོད་བསྟེན་ཐད་གསུང་བཤད་གནང་བ། བཞུགས་སྒར་དྷ་རམ་ས་ལར་བུད་མེད་ལ་རོགས་སྐྱོར་གྱི་ལས་འཆར་ཞིག་འགོ་ཚུགས་པ། ཨ་རིའི་སྲིད་འཛིན་གྱི་འོས་བསྡུ་དང་ཆེས་མཐོའི་ཁྲིམས་ཞིབ་ཁང་གི་ཁྲིམས་དཔོན་བསྐོ་འཇོག དེ་བཞིན་ཨ་རིས་ཐེ་ཝན་ལ་གོ་མཚོན་བཙོང་འཆར་ཡོད་པའི་གསར་འགྱུར་སོགས་ཡོད། དེ་རིང་གི་ཀུན་གླེང་དུ་སྐུའི་གསུང་སྒྱུར་ཐུབ་བསྟན་སྦྱིན་པ་ལགས་ལ་གསུང་སྒྱུར་ཞབས་ཞུའི་མྱོང་བ་དང་བསྒྱུར་གྱི་ཁྱད་ཆོས་ཐད་དམིགས་བསལ་བཅར་འདྲི་ཞུས་པ་ཞིག་བཀོད་སྒྲིག་བྱས་ཡོད།།