ངོ་འཕྲད་བདེ་བའི་དྲ་འབྲེལ།

སྔ་དྲོའི་རླུང་འཕྲིན།༢༠༢༠་ཟླ་༡༠་ཚེས་༡༠


ཐད་ཀར་ཕབ་ལེན་གྱི་དྲ་འབྲེལ།

རྒྱ་ནག་གཞུང་གིས་ཆབ་མདོ་བཅིངས་འགྲོལ་བཏང་སྟེ་ལོ་འཁོར་བདུན་བཅུ་འཁོར་བའི་དགའ་སྟོན་བྱེད་ཀྱི་ཡོད་ནའང་དོན་དངོས་ཐོག་ས་གནས་བོད་མིས་འདི་ནི་རྒྱ་གཞུང་གིས་ཆབ་མདོ་བཙན་འོག་ཏུ་བཅུག་ནས་ལོ་འཁོར་བདུན་བཅུ་འཁོར་བའི་ལོ་ཡིན་པར་ངོས་འཛིན་བྱེད་བཞིན་པ། སྤྱི་ལོ་ཉིས་སྟོང་ཉི་ཤུ་ལོའི་ནོ་པེལ་ཞི་བདེའི་གཟེངས་རྟགས་དེ་འཛམ་གླིང་མཉམ་འབྲེལ་རྒྱལ་ཚོགས་བཟའ་འབྲུའི་ལས་འཆར་ལྷན་ཁང་ལ་གནང་ཡོད་པ། རྒྱལ་སྤྱིའི་སྟེང་གི་གཞུང་དང་སྒེར་གྱི་ཚོགས་སྡེ་མང་པོ་ཞིག་ནས་སྤྱི་ལོ་ཉིས་སྟོང་ཉི་ཤུ་རྩ་གཉིས་ལོར་རྒྱ་ནག་ཏུ་རྒྱལ་སྤྱིིའི་དགུན་དུས་ཨོ་ལོམ་ཕིས་ཁི་ལུས་རྩལ་འགྲན་ཚོགས་འཚོགས་རྒྱུར་ངོ་རྒོལ་བྱེད་བཞིན་པ།  ཉེ་ཆར་ཨ་མི་རི་ཀའི་མངའ་སྡེ་མཱི་ཆི་གྷན་གྱི་སྤྱི་ཁྱབ་བཙན་ཁྲིད་བྱ་རྒྱུའི་ལྐོག་གཡོ་ངན་ཇུས་འཐེན་མཁན་དག་རེས་གཟའ་ཕུར་བུའི་ཉིན་འཛིན་བཟུང་བྱས་ཡོད་པ་སོགས་ཀྱི་གནས་ཚུལ་ཡོད།

XS
SM
MD
LG