སྐལ་བཟང་སྒྲོལ་མ་ལགས་ནི་ཀེ་ན་ཊའི་Liberal གུ་ཡངས་ཆབ་སྲིད་ཚོགས་པའི་Ontario མངའ་སྡེའི་གྲོས་ཚོགས་འཐུས་མིའི་འགྲན་རྩོད་ལ་མིང་འདོན་བྱུང་བའི་འོས་མི་ཞིག་ཡིན་པ་དང། ཟླ་འདིའི་ཕྱི་ཚེས་༡༩ ཉིན་ཆབ་སྲིད་ཚོགས་པའི་ཚོགས་ཆེན་ཞིག་གི་སྟེང་མཐའ་མའི་གཞུང་འབྲེལ་གྱི་འོས་མི་དེ་གཏན་འབེབ་བྱ་རྒྱུ་ཡིན་པ་རེད། སྐལ་བཟང་སྒྲོལ་མ་ལགས་ཀྱིས་འདས་པའི་ལོ་ངོ་༩ ཙམ་གྱི་རིང་Parkdale ས་གནས་ཀྱི་བོད་པའི་སྤྱི་ཁང་དང་། ཕྱི་མི་གཞིས་ཆགས། བོད་ཀྱི་གཞོན་ནུ་སྡེ་ཚན་གྱི་འགན་འཛིན་ཕྱག་ལས་གནང་མྱོང་ཡོད།།