ངོ་འཕྲད་བདེ་བའི་དྲ་འབྲེལ།

གཟའ་པ་སངས། ༢༠༢༤/༠༣/༢༩

ཌོ་ནོལ་ཁྲ་རམ་དང་ཞིས་ཅིན་ཕིང་།


ཐད་ཀར་ཕབ་ལེན་གྱི་དྲ་འབྲེལ།

རྒྱ་ནག་གི་སྲིད་འཛིན་ཞིས་ཅིན་ཕིང་ཨ་མི་རི་ཀར་ཉི་མ་གཉིས་ཀྱི་འཚམས་འདྲིར་ཕེབས་ཏེ། ཁོང་གིས་མ་ར་ལ་གོ་སྤྲོ་སྐྱིད་ཁང་དུ་ཨ་རིའི་སྲིད་འཛིན་ཌོ་ནལ་ཊམ་ལ་ཐུག་འཕྲད་གྲོས་མོལ་བྱ་རྒྱུ་དང་། ཞིས་ཅིན་ཕིང་གི་དམིགས་ཡུལ་གཙོ་བོ་ཨ་རིའི་སྲིད་འཛིན་ཌོ་ནོལ་ཁྲ་རམ་ངོ་ཤེས་ཐབས་དང་རྒྱུས་མངའ་ལོན་ཐབས། ཁོང་གིས་རང་ཚུགས་མ་ཤོར་པ་དང་རྒྱ་ནག་གི་ཁེ་ཕན་བློས་མ་བཏང་བར་ཌོ་ནོལ་ཁྲ་རམ་ལ་གྲོས་མོལ་བྱ་རྒྱུ། རྒྱ་ནག་དང་ཨ་མི་རི་ཀ་གཉིས་ལ་མི་མཐུན་པའི་འགལ་ཟླ་སྣ་མང་ཞིག་ཡོད་པ་རྣམས་བརྟན་ལྷིང་གི་སྒོ་ནས་སེལ་ཐུབ་པའི་འཇོན་ཐང་ཡོད་པ་སྟོན་ཐབས་བྱ་རྒྱུ་དང་། ཞིས་ཅིན་ཕིང་གིས་ཌོ་ནོལ་ཁྲ་རམ་ལ་ཁ་གཏད་གཅོག་ཐུབ་པ་དང་ཁོ་པ་མི་མཁྲེགས་པོ་ཞིག་ཡིན་པ་རྒྱ་ནག་མི་དམངས་ལ་སྟོན་ཐུབ་ཚེ། ད་ལོ་རྒྱ་ནག་དམར་ཤོག་ཚོགས་པའི་ཚོགས་ཆེན་ཐེངས་༡༩་པ་འཚོགས་འཆར་ཡོད་པ་དེའི་སྐབས་སུ་ཞིས་ཅིན་ཕིང་གི་སྲིད་དབང་སྲ་བརྟན་འགྲོ་བར་ཕན་ཐོགས་ཡོད་ཅིང་། གཟའ་འཁོར་འདིའི་ཐུག་འཕྲད་ཀྱིས་རྒྱ་ནག་གི་སྤྱི་ཚོགས་སུ་ཞིས་ཅིན་ཕིང་གི་ཆེ་མཐོང་མཐོ་རུ་འགྲོ་སྲིད་མོད། འོན་ཀྱང་ཌོ་ནལ་ཊམ་དང་ཞིས་ཅིན་ཕིང་གཉིས་གནད་དོན་འགའ་ཞིག་གི་ཐོག་ཏུ་མཐུན་གྱི་མེད་པ་དང་། ལྷག་པར་དུ་ཞིས་ཅིན་ཕིང་གི་གཏམ་བཤད་རྣམས་མཁས་པ་མང་པོར་གྲོས་བསྡུར་བྱས་ནས་གཏན་ལ་ཕབ་པ་ཞིག་ཡིན་རུང་། ཌོ་ནོལ་ཁྲ་རམ་ཅི་བཤད་ལ་ངེས་གཏན་མེད་པ་དང་གཤིས་ཀ་རྩུབ་པོ། ཁོ་པ་མི་ཚོད་དཔག་དཀའ་བ་དང་ཐབས་མཁས་ཚིག་སྙན་གྱི་ཕྱི་འབྲེལ་བཀའ་མོལ་ལ་མཐོང་ཆུང་བྱེད་མཁན་ཞིག་ཡིན་པས། ཌོ་ནོལ་ཁྲ་རམ་གྱི་མདུན་དུ་ཞིས་ཅིན་ཕིང་ཅི་བྱ་གཏོལ་མེད་དུ་འགྱུར་སྲིད་པའི་ཉེན་ཀ་ཡོད་པ་རེད།།

XS
SM
MD
LG