བོད་ཀྱི་གཞིས་རྩེ་གྲོང་ཁྱེར་སོགས་ལ་ལས་ཀ་མི་རག་པའི་དཀའ་ངལ།

༄༅།། ཉེ་སྔོན་རྒྱ་ནག་ལ་ཏོག་དབྱིབས་ནད་དུག་གིས་རྐྱེན་པས་ཞིང་ཆེན་སོ་སོ་དང་ཁུལ་སོ་སོ། རྫོང་དང་གྲོང་རྡལ་ཕན་ཚུན་གྱི་བར་དུ་མི་རྣམས་འགྲོ་འོང་བྱེད་དུ་མ་བཅུག་པར་དུས་ཡུན་ཟླ་བ་གཉིས་ཡས་མས་ཤིག་ལ་བཀག་ཡོད་ཅིང་། ད་ལྟ་འགྲོ་འོང་བཀག་སྡོམ་ཕྱིར་འཐེན་བྱས་ཀྱང་ཕྱི་ཚེས་༢༣་ཉིན་གྱི་ཞོགས་པར་གཞིས་རྩེ་ས་གནས་ཀྱི་བོད་པ་ཞིག་གིས་འདི་ག་རླུང་འཕྲིན་ཁང་ལ་བརྗོད་དོན་ལྟ་ན། ཏོག་དབྱིབས་ནད་དུག་གིས་རྐྱེན་པས་ཉེ་སྔོན་ཟླ་བ་གཉིས་ཡས་མས་ཤིག་ལ་འགྲོ་འོང་བཀག་སྡོམ་བྱས་བ་དང་།