ངོ་འཕྲད་བདེ་བའི་དྲ་འབྲེལ།

བོད་པ་ཆབ་སྲིད་བཙོན་ཟུར་ཞིག་འདས་གྲོངས།


ཐད་ཀར་ཕབ་ལེན་གྱི་དྲ་འབྲེལ།

༄༅།། རྒྱ་ནག་གཞུང་གིས་ཆ་བགོ་བྱས་པའི་བོད་རང་སྐྱོང་ལྗོངས། སོག་རྫོང་རོང་པོ་ཤང་། རོང་པོ་རབ་བརྟན་དགོན་པའི་དགེ་འདུན་པ་ཤེས་རབ་ལ་རྒྱ་ནག་གཞུང་གིས་ཆབ་སྲིད་ཀྱི་ཉེས་མིང་བཏགས་ནས་སྤུན་མཆེད་མི་སྐྱ་ཞིག་དང་མཉམ་དུ་བོད་ཀྱི་རྒྱལ་ས་ལྷ་སར་༢༠༡༧་ལོའི་ཕྱི་ཟླ་༡༢་པའི་མགོ་སྟོད་དུ་འཛིན་བཟུང་གིས་ལྷ་ས་ཉེ་ཁུལ་གྱི་བཙོན་ཁང་ཞིག་ཏུ་ཟླ་བ་གསུམ་ལ་བཙོན་འཇུག་བྱས་པར་མ་ཟད། བཙོན་ཁང་དུ་མི་སྤྱོད་ལས་འདས་པའི་སྡུག་སྦྱོང་གནར་གཅོད་དྲག་པོ་བཏང་སྟེ་སྲོག་ལ་ཉེན་ཁ་འཕྲད་པའི་དུས་སུ་གློད་གྲོལ་བཏང་འདུག རབ་བརྟན་དགོན་པའི་གྲྭ་ཤེས་རབ་བཙོན་ཁང་ནས་ཕྱི་ལ་བཏང་བའི་སྐབས་སུ་སྐད་ཆ་བཤད་མི་ཐུབ་པ་དང་གཟུགས་པོ་འགུལ་མི་ཐུབ་པར་གྱུར། ཡིན་ནའང་ཁོང་གི་སྤྱི་དམངས་ཐོབ་ཐང་ལག་འཁྱེར་རྒྱ་གཞུང་གིས་ནག་ཉེས་ཅན་གྱི་མིང་ཐོ་ནག་པོའི་ཁོངས་སུ་བཅུག་པས་སྨན་ཁང་ཆེ་ཆུང་གང་དུའང་བསྟེན་གཏུག་བྱེད་མི་ཆོག་པ་བཟོས་ཤིང་། མཐར་ཉེ་ཆར་༢༠༢༠་ལོའི་ཕྱི་ཟླ་༤་ཚེས་༡༨་ཉིན་རང་ཁྱིམ་དུ་འདས་གྲོངས་སུ་གྱུར་འདུག་ཅེས་མིང་འདོན་བྱེད་འདོད་མེད་པའི་འབྲེལ་ཡོད་བོད་པ་ཞིག་གིས་གནས་ཚུལ་མཁོ་སྤྲོད་བྱས་བྱུང་།།

ཡང་སྲིད་ངོས་འཛིན་གནང་བའི་བཀའ་ཡིག་སྟེ།
ཡང་སྲིད་ངོས་འཛིན་གནང་བའི་བཀའ་ཡིག་སྟེ།

རྒྱ་ནག་གཞུང་གིས་གྲྭ་ཤེས་རབ་འཛིན་བཟུང་བྱས་དོན་ནི་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་འཕགས་ཡུལ་ལྷོ་ཕྱོགས་བྱེས་ཀྱི་གདན་ས་ཆེན་པོ་སེ་ར་ཐེག་ཆེན་གླིང་གི་སེར་བྱེས་གྲ་ཚང་། ལྷོ་པ་ཁམས་ཚན་གྱི་དགེ་བའི་བཤེས་གཉེན་ཆེན་པོ་ཆོས་ལྡན་རིན་པོ་ཆེའི་ཡང་སྲིད་ངོས་འཛིན་གནང་བའི་བཀའ་ཡིག་སྟེ། ༢༠༡༧་ལོའི་ཕྱི་ཟླ་༡༡་པའི་ཚེས་༧་འཁོད་པ་ཞིག་ཅིག་སྐད་འཕྲིན་བརྒྱབ་ངོས་སུ་བཞག་ཡོད་པ་ནག་ཉེས་སུ་བརྩིས་ནས་རྒྱ་ནག་གཞུང་གིས་འཛིན་བཟུང་བྱས་འདུག ཁོང་གི་མཉམ་དུ་སྤུན་མཆེད་མི་སྐྱ་ཞིག་འཛིན་བཟུང་བྱས་པའང་ཟླ་བ་༦་ལ་བཙོན་འཇུག་བྱས་ནས་གློད་གྲོལ་བཏང་ཡོད་པ་རེད།།

རྒྱ་ནག་གཞུང་གིས་རབ་བརྟན་དགོན་པའི་གྲྭ་ཤེས་རབ་འཛིན་བཟུང་བྱས་པའི་གནད་དོན་གཞན་ཞིག་ནི་དེ་སྔ་རོང་པོ་རབ་བརྟན་དགོན་པར་བཞུགས་པའི་སྐབས་སུ་དགོན་པའི་ནང་དུ་དོལ་རྒྱལ་བསྟེན་སྲོལ་བྱེད་མཁན་ཚོར་དགག་པ་ཤུགས་ཆེན་བརྒྱབ་པ་དང་། ཁོང་དོལ་རྒྱལ་བསྟེན་སྲོལ་མི་བྱེད་མཁན་དགེ་འདུན་པ་མང་པོ་ཞིག་དགོན་པ་ནས་ཕྱིར་ཕུད་བཏང་བ་དེ་དག་གྲས་སུ་དགོན་པ་ནས་ཕྱིར་ཕུད་བཏང་སྟེ་༧གོང་ས་སྐྱབས་མགོན་ཆེན་པོ་མཆོག་དང་ཕྱི་ལོགས་ཀྱི་ཁ་བྲལ་རིང་ལུགས་པ་ཚོར་བློ་གཏད་བཅོལ་ནས་མེས་རྒྱལ་ལ་རྒྱབ་གཏོད་བྱེད་མཁན་རེད་ཅེས་ནག་ཉེས་བཙུགས་ཡོད་པའི་གནས་ཚུལ་ཐོན་འདུག

གསར་འགོད་པར་གནས་ཚུལ་མཁོ་སྤྲོད་པས་མུ་མཐུད་དུ་བརྗོད་པ་ལྟར་ན། གྲྭ་ཤེས་རབ་དགོན་པ་ནས་ཕྱིར་ཕུད་བཏང་བའི་རྗེས་སུ་དུས་ཡུན་མང་ཆེ་བ་རི་ཁྲོད་འགྲིམས་ནས་བཞུགས་པའམ། སྐབས་འགར་ལྷ་སར་ཕེབས་ཀྱང་བརྟག་ཏུ་རྒྱ་གཞུང་གི་ལྟ་རྟོག་འོག་ཏུ་གནས་དགོས་ཀྱི་ཡོད་པ་དང་། ཁོང་ལྷ་སར་ཡོད་པའི་སྐབས་ཤིག་ལ་འཛིན་བཟུང་བྱས་འདུག ཆབ་སྲིད་བཙོན་ཟུར་གྲྭ་ཤེས་རབ་འདས་གྲོངས་སུ་གྱུར་པའི་སྐབས་དེར་ལོ་ན་༥༠་ཐམ་པ་ཏག་ཏག་ཟིན་ཞིང་། ཁོང་གི་སྐྱེས་ཡུལ་ནི་སོག་རྫོང་རོང་པོ་ཤང་། བར་སྐེད་གྲོང་ཚོ་ཡིན་པ་དང་ཕ་མིང་ལ་རྒྱལ་འཇུག་ཟེར་གྱི་ཡོད་འདུག

XS
SM
MD
LG