ཨ་རིར་སློབ་འགྲིམས་བོད་པའི་སློབ་ཟུར་ཚོགས་པར་རོགས་དངུལ།

༢༧།༡༠།༢༠༢༠

Embed

No media source currently available

0:00 0:02:41 0:00

༄༅།། རྒྱ་གར་གྱི་རྒྱལ་ས་ལྡི་ལི་གསར་པར་བཅའ་སྡོད་ཨ་རིའི་གཞུང་ཚབ་ཁང་གིས་ཨ་རིའི་བོད་མིའི་སློབ་ཡོན་ལས་གཞིའི་ཁོངས་སུ་ཨ་མི་རི་ཀར་སློབ་གྲྭར་འགྲིམས་པའི་བོད་པའི་སློབ་ཟུར་ཚོགས་པར་སྤྱི་ཚོགས་ཕན་པའི་ལས་གཞི་བསྒྲུབ་པའི་ཆེད་དུ་མ་དངུལ་ཨ་སྒོར་ཁྲི་ལྔ་རོགས་རམ་སྤྲད་ཡོད་ཅིང་། འདི་ནི་ཨ་རིའི་གཞུང་ཚབ་ཁང་གིས་ཨ་རིར་སློབ་འགྲིམས་བོད་པའི་སློབ་ཟུར་ཚོགས་པར་མ་དངུལ་རོགས་རམ་སྤྲད་པ་ཐེངས་དང་པོ་ཡིན་འདུག ༡༩༨༨་ལོར་ཨ་རིའི་བོད་མིའི་སློབ་ཡོན་ལས་གཞི་མགོ་བརྩམས་ཏེ་ཨ་རིའི་གཞུང་གི་སློབ་ཡོན་རོགས་རམ་འོག་བོད་མིའི་སྒྲིག་འཛུགས་ཀྱི་ཤེས་རིག་ལས་ཁུངས་དང་ཨ་རིའི་བོད་ཀྱི་ཐེབས་རྩ་ཁང་གཉིས་ཟུང་འབྲེལ་ཐོག་ཏུ་འཛིན་སྐྱོང་བྱེད་བཞིན་ཡོད་པར་མ་ཟད། ད་ལྟའི་བར་དུ་བོད་པའི་སློབ་ཕྲུག་༥༠༠་ལྷག་གིས་ཨ་རིའི་སློབ་ཆེན་ཁག་ཏུ་ཆེད་ལས་འདྲ་མིན་གྱི་སློབ་སྦྱོང་བྱས་ནས་རྒྱ་གར་ལ་ཕྱིར་ལོག་བྱས་ཏེ་བོད་པ་བཙན་བྱོལ་བའི་སྤྱི་ཚོགས་སུ་སྲི་ཞུ་བསྒྲུབས། ཉེ་ཆར་སྤྱི་ཟླ་༧་པར་ཨ་རིའི་སློབ་ཡོན་ཐོབ་པའི་སློབ་ཕྲུག་བརྒྱད་ཨ་རི་ནས་རྒྱ་གར་ལ་ཕྱིར་ལོག་བྱས་ཏེ་བོད་པའི་སྤྱི་ཚོགས་སུ་ལས་དོན་བསྒྲུབ་རྒྱུ་འགོ་ཚུགས། ཟླ་བ་འདིར་༢༠༢༡་ལོར་ཨ་རིར་གཏོང་རྒྱུའི་བོད་པའི་སློབ་ཕྲུག་རྣམས་འདེམས་སྒྲུག་བྱེད་ཀྱི་ཡོད་པའི་སྐོར། བཞུགས་སྒར་ནས་འདི་གའི་གསར་འགོད་པ་བསྟན་འཛིན་དབང་འདུས་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།

Embed

No media source currently available

0:00 0:04:00 0:00