བོད་དོན་དྲིལ་བསྒྲགས་ཀྱི་འཕྲུལ་རྟའི་སྐོར་སྐྱོད་ལས་འགུལ་མཇུག་སྒྲིལ།

༢༣།༡༡།༢༠༢༠

༄༅།། དེ་རིང་ཕྱི་ཚེས་༢༣་ཉིན་སྦིར་རྙིང་མའི་མགྲོན་ཁང་དུ་དབུས་བོད་ཀྱི་གཞོན་ནུ་ལྷན་ཚོགས་ཀྱི་གོ་སྒྲིག་འོག་ཧིན་བོད་ས་མཚམས་བར་དུ་རྒྱ་ནག་གཞུང་གིས་བོད་ལ་ལག་ལེན་བསྟར་གྱི་ཡོད་པའི་སྲིད་ཇུས་རྣམས་ཐེར་འདོན་བྱེད་པར་ཉིན་ལྔའི་འཕྲུལ་རྟའི་སྐོར་སྐྱོད་ཀྱི་བོད་དོན་ལས་འགུལ་ཞིག་སྤེལ་བ་མཇུག་སྒྲིལ་ཡོད་ཅིང་། དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་མགོན་པོ་དོན་གྲུབ་ཀྱིས་ལས་འགུལ་དེར་ལམ་ལྷོངས་བྱུང་བ་དང་མུ་མཐུད་དུ་རྒྱལ་ས་ལྡི་ལིར་བོད་དོན་ཞུ་གཏུག་གི་ལས་འགུལ་སྤེལ་འཆར་ཡོད་ཅེས་ཁྱབ་བསྒྲགས་བྱས་ཡོད་པར་མ་ཟད། བདེ་སྐྱིད་གླིང་གཞིས་ཆགས་ཀྱི་རང་ལོ་༦༢་སོན་པའི་འཇམ་དབྱངས་བསྟན་འཛིན་ཞེས་པ་ཞིག་ལ་དབུགས་འཚང་གི་ན་ཚ་ཡོད་ཀྱང་ལས་འགུལ་འདིར་མཉམ་ཞུགས་བྱ་དགོས་པ་གལ་ཆེན་པོར་མཐོང་སོང་། ལྷག་པར་དུ་བོད་ནང་གི་བོད་པ་ཚོས་བོད་དོན་ཆེད་དུ་རང་སྲོག་བློས་གཏོང་གི་ཡོད་དུས་ང་ཚོ་བོད་པ་བཙན་བྱོལ་བ་ཚོ་ལའང་དཀའ་ལས་གཅིག་མཚུངས་རྒྱག་དགོས་པའི་ལས་འགན་ཡོད་ཅེས་བཤད་ཡོད་པའི་སྐོར། བཞུགས་སྒར་ནས་འདི་གའི་གསར་འགོད་པ་བསྟན་འཛིན་དབང་འདུས་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།

Embed

No media source currently available

0:00 0:04:35 0:00