Embed share

རྒྱ་གཞུང་གིས་ཡུལ་ཤུལ་ཁུལ་གྱི་བོད་པ་གཉིས་འཛིན་བཟུང་།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:01 0:00

ཐད་ཀར་ཕབ་ལེན་གྱི་དྲ་འབྲེལ།

• 32 kbps | MP3

གསན་གཟིགས་གནང་ས།

༄༅།། རྒྱ་ནག་གཞུང་གིས་ཆ་བགོ་བྱེད་ཡོད་པའི་མཚོ་སྔོན་ཞིང་ཆེན། ཡུལ་ཤུལ་ཁུལ་གྱི་སྡོམ་གདའ་ཡུལ་མཚོ། སྐར་ཆེན་རུ་ཁག་དང་པོའི་རྡོ་སྐྱབས་དང་གེ་རུ་གྲགས་པ་གཉིས་དེ་རིང་ཕྱི་ཟླ་༡༠་པའི་ཚེས་༡༢་ཉིན་བོད་ནང་གི་ཞོགས་པའི་ཚོུད་༨་པ་ཡས་མས་སུ་སྡོམ་གདའ་ཡུལ་མཚོའི་རྒྱ་གཞུང་གི་ཉེན་རྟོག་པས་འཛིན་བཟུང་བྱས་ཏེ་སྡོམ་གདའ་ཡུལ་མཚོའི་ཉེན་རྟོག་ཁང་དུ་ཁྲིད་ནས་བཀག་ཉར་བྱེད་ཡོད་པའི་གནས་ཚུལ་ཐོན་འདུག

དེ་ཡང་མིང་དངོས་སུ་བརྗོད་འདོད་མེད་པའི་འབྲེལ་ཡོད་མི་སྣ་ཞིག་གིས་འདི་ག་རླུང་འཕྲིན་ཁང་གི་གསར་འགོད་པར་གནས་ཚུལ་མཁོ་སྤྲོད་བྱས་པ་ལྟར་ན། རྡོ་སྐྱབས་དང་གེ་རུ་གྲགས་པ་གཉིས་འཛིན་བཟུང་བྱས་པའི་སྐབས་དེར་རྒྱུ་མཚན་གསལ་པོ་ཞིག་བཤད་མེད་ཀྱང་ས་གནས་མང་ཚོགས་ཀྱིས་ཚོད་དཔག་ལ་༢༠༡༩་ལོར་རྡོ་སྐྱབས་ཀྱིས་ལ་རྒྱའི་གླེང་སྟེགས་ཟེར་བའི་སྐད་འཕྲིན་ཚོགས་པ་ཞིག་བཙུགས། ད་ལྟའི་ཆར་སྐད་འཕྲིན་ཚོགས་པ་དེར་ཚོགས་མི་༢༡༡་ཡོད་པར་མ་ཟད། ཚོགས་པའི་ནང་དུ་གཙོ་བོ་བོད་ཀྱི་ལག་ཤེས་དང་རིག་གཞུང་སྐོར་བགྲོ་གླེང་། སྐད་འཕྲིན་ནང་དུ་དངུལ་སྒོར་བསྡུ་རུབ་བྱས་ཏེ་སྐར་ཆེན་རུ་ཁག་དང་དར་དམར་རུ་ཁག་སོགས་ཀྱི་ཁྱིམ་ཚང་དབུལ་པོ་རྣམས་ཀྱི་བྱིས་པ་ཚོར་སློབ་ཡོན་རོགས་སྐྱོར་བྱེད་ཀྱི་ཡོད་པ་རྣམས་ཆབ་སྲིད་ཀྱི་གནད་དོན་ལ་བརྩིས་ནས་འཛིན་བཟུང་བྱས་པ་ཡིན་སྲིད། དེ་མིན་རྡོ་སྐྱབས་ཀྱིས་ལས་འགུལ་འདྲ་མིན་སྤེལ་བ་དང་གནད་དོན་འདྲ་མིན་གླེང་སློང་བྱེད་ཀྱི་ཡོད་པའི་སྐད་ཆ་གང་ཡང་གོ་ཐོས་བྱུང་མ་མྱོང་ཞེས་འགྲེལ་བརྗོད་བྱས་འདུག

གསར་འགྱུར་མཁོ་སྤྲོད་པས་མུ་མཐུད་དུ་བཤད་པ་ལྟར་ལྟར་ན། རྡོ་སྐྱབས་ནི་ཚོང་པ་ཞིག་ཡིན་པ་དང་སྐྱེ་དགུ་མདོར་ས་ཡོམ་གྱི་གོད་ཆག་བྱུང་བའི་སྐབས་སུ་མི་མང་ལ་རྒྱ་སྒོར་༢༧༠༠༠༠་རོགས་སྐྱོར་གནང་མྱོང་ཡོད་པས་ས་གནས་མང་ཚོགས་ཀྱིས་ཆེ་མཐོང་དང་དགའ་མོས་བྱ སའི་མི་ཞིག་ཏུ་གྱུར། ཁོང་ནི་ལོ་ན་༦༠་ཡས་མས་སུ་སོན་ཡོད་པ་དང་དུས་རྒྱུན་ཡུལ་ཤུལ་ཁུལ་དུ་སྡོད་ཀྱི་ཡོད་པ་རེད། ཁོང་ལ་སྲིང་མོ་ཞིག་དང་སྤུན་མཆེད་བུ་ཞིག་བཅས་ཤུལ་དུ་གཉེན་ཚན་གཉིས་འདུག་ཅེས་འགྲེལ་བརྗོད་གནང་འདུག

གཞན་ཡང་རྡོ་སྐྱབས་ཀྱི་རོགས་པ་གེ་རུ་གྲགས་པ་ནི་ཁྱིམ་ཚང་གི་འཁོས་འབྱོར་ཞན་པའི་སྟབས་ཀྱིས་རྒྱུན་དུ་ཚོང་པ་རྡོ་སྐྱབས་གང་དུ་ཕྱིན་ཀྱང་དེའི་མཉམ་དུ་ཁྲིད་ནས་འགྲོ་བཞིན་ཡོད་པ་རེད། དེར་བརྟེན་ཁོ་པ་རྡོ་སྐྱབས་ཀྱི་མཉམ་དུ་འཛིན་བཟུང་བྱས་པ་ཡིན་སྲིད་ཅེས་བཤད། ས་གནས་མང་ཚོགས་ཀྱིས་རྡོ་སྐྱབས་འཛིན་བཟུང་བཀག་ཉར་བྱེད་དགོས་དོན་དེ་ཉིད་ལ་རྒྱའི་གླེང་སྟེགས་སྐད་འཕྲིན་ཚོགས་པའི་གནད་དོན་ཡིན་ཚེ། སྐད་འཕྲིན་ཚོགས་པའི་ནང་གི་ཚོགས་མི་གཞན་ཚོ་ལའང་དཀའ་ངལ་འཕྲད་མི་སྲིད་པ་མ་རེད་ཅེས་སེམས་ཁྲལ་བྱེད་ཀྱི་ཡོད་པའི་སྐོར། རྒྱ་གར་ལྷོ་ཕྱོགས་ནས་འདི་གའི་གསར་འགོད་པ་རྒྱལ་མཚན་ཆོས་གྲགས་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།