༄༅།། རྒྱ་ནག་གི་སྲིད་བློན་གཞོན་པ་ལིའུ་ཧེ་གཙོས་ཚོང་དོན་སྐུ་ཚབ་ཚོགས་པ་ཞིག་རེས་གཟའ་ཕུར་བུའི་ཉིན་ཨ་རིའི་རྒྱལ་ས་ཝ་ཤིང་ཊོན་ལ་ཚོང་དོན་གྲོས་མོལ་འཕྲོ་སྐྱོང་བྱེད་དུ་འབྱོར་གྱི་ཡོད་ཅིང་། ཨ་རིའི་དཔལ་འབྱོར་མཁས་པ་ཁག་ཅིག་གིས་སྲིད་འཛིན་ཊམ་གྱིས་སྲིད་དབང་བཟུང་བའི་ཉིན་གསུམ་པ་དེར་ནོར་འཁྲུལ་ཅན་གྱི་གོམ་སྟབས་ཤིག་སྤོས་འདུག དེ་ནི་ཁོང་གི་གཞུང་འཛིན་ལྷན་ཁང་གིས་རྒྱ་ནག་ལ་ཚོང་ལས་ཐོག་ཏུ་གནོན་ཤུགས་སྤྲོད་རྒྱུའི་ནུས་པ་ཆུང་དུ་བཏང་ཡོད་པས་ཐེངས་འདིའི་ཚོང་འབྲེལ་གྲོས་མོལ་ལ་འབྲས་བུ་སྨིན་དཀའ་མོ་ཡིན་པའི་ཚོད་དཔག་བྱེད་ཀྱི་ཡོད་པའི་སྐོར། རྡོ་རྗེ་ཐོགས་མེད་ཀྱིས་གནས་ཚུལ་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།།
