ཆབ་སྲིད་བཙོན་ཟུར་ཆོས་ཀྱིས་འདས་གྲོངས་སུ་གྱུར་འདུག

༄༅།། བོད་ཀྱི་ཆབ་སྲིད་བཙོན་ཟུར་ཆོས་ཀྱིས་ལ་སྤྱི་ལོ་༢༠༡༥་ལོར་༧གོང་ས་རྒྱལ་བ་རིན་པོ་ཆེ་མཆོག་གི་གྱ་སྟོན་སྲུང་བརྩིའི་ཆེད་དུ་སྟོད་གོས་བཟོས་པ་དང་སྐད་འཕྲིན་ནང་དུ་རྒྱ་ནག་གི་ཆབ་སྲིད་ལ་འགལ་བའི་པར་རིས་བཞག་པ་སོགས་ཀྱི་ནག་ཉེས་བཙུགས་ནས་ལོ་དེའི་ཕྱི་ཟླ་༦་པའི་ཚེས་༡༨་ཉིན་འཛིན་བཟུང་བྱས་ཤིང་། ཕྱིས་སུ་ཆོས་ཀྱིས་ལ་རྒྱལ་ཁབ་ཁ་བྲལ་གྱི་ལས་འགུལ་སྤེལ་བའི་ཉེས་མིང་བཏགས་ནས་ལོ་བཞིའི་དུས་བཀག་བཙོན་འཇུག་གི་ཁྲིམས་ཐག་བཅད། ཁོང་སི་ཁྲོན་ཞིང་ཆེན་གྱི་གཡག་རྔ་ཁའི་བཙོན་ཁང་དུ་བཅུག་སྟེ་ན་ནིང་༢༠༡༩་ལོའི་ཕྱི་ཟླ་དང་པོའི་ཚེས་༡༨་ཀྱི་མཚན་མོར་གློད་གྲོལ་བཏང་འདུག

ཆོས་ཀྱིས་གློད་གྲོལ་བཏང་བའི་དུས་སྐབས་ནི་ཟླ་བ་གཉིས་ཀྱིས་ལོ་བཞིའི་བཙོན་འཇུག་གི་དུས་ཡུན་ཆ་ཚང་ལོངས་མེད་པའི་སྐབས་ཤིག་ཡིན་རུང་དོ་བདག་ལ་ན་ཚ་ཐུ་མོ་ཞིག་ཕོག་ཡོད་པའི་སྟབས་ཀྱིས་བཙོན་འཇུག་གི་དུས་བཀག་མ་ཚང་སྔོན་ལ་གློད་གྲོལ་བཏང་ཡོད་པ་རེད། ཁོ་པ་བཙོན་གྲོལ་ཐོབ་པའི་རྗེས་སུ་རང་གི་འདོད་མོས་ལྟར་ལྷ་སར་སྨན་བཅོས་བྱེད་དུ་བསྐྱོད་ཐབས་བྱས་ཀྱང་རྒྱ་གཞུང་གི་ས་གནས་འགོ་ཁྲིད་ཚོས་ལྷ་སར་སྨན་བཅོས་བྱེད་དུ་འགྲོ་རུ་བཅུག་མེད་ཅིང་། མཐར་སྨན་བཅོས་བྱེད་ཐབས་མང་པོ་བསྟེན་ཀྱང་དྲག་སྐྱེད་མ་བྱུང་བར་ཁ་སང་སྤྱི་ཟླ་༥་པའི་ཚེས་༧་གྱི་ཕྱི་དྲོའི་ཆུ་ཚོད་༣་པ་ཡས་མས་སུ་རང་ཁྱིམ་དུ་འདས་གྲོངས་སུ་གྱུར་འདུག

བོད་ཀྱི་ཆབ་སྲིད་བཙོན་ཟུར་ཆོས་ཀྱིས་གྲོངས་ཁ་དེར་ལོ་ན་༤༣་ལ་སོན་ཡོད་པ་དང་སྐྱེས་ཡུལ་ནི་གསེར་རྟ་རྫོང་། ཕུ་གུ་ཡུལ་ཚོའི་ཞོ་ཚང་སྡེ་བ་ཡིན་པར་མ་ཟད། ཆུང་དུས་ནས་སྙི་སྟོད་ཡུལ་ཚོར་ཆགས་པའི་ཕུ་གུ་དགོན་གྱི་ཆོས་སྒོར་ཞུགས་ནས་རབ་བྱུང་བསྒྲུབས་འདུག

Embed share

ཆབ་སྲིད་བཙོན་ཟུར་ཆོས་ཀྱིས་འདས་གྲོངས་སུ་གྱུར་འདུག

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:23 0:00

ཐད་ཀར་ཕབ་ལེན་གྱི་དྲ་འབྲེལ།

• 32 kbps | MP3

གསན་གཟིགས་གནང་ས།