བོད་པ་བཙན་བྱོལ་བ་ཚོས་སྲིད་སྤྱིའི་འོས་བསྡུར་ཐོ་འགོད།

༄༅།། དེང་སྐབས་རྒྱ་གར་ལ་ཏོག་དབྱིབས་ནད་ཡམས་ཁྱབ་གདལ་ཚབས་ཆེན་ཞིག་འགྲོ་བཞིན་པར་ལྟོས་མེད་ཀྱིས་བཙན་བྱོལ་བ་ཚོས་ཕྱི་ལོ་༢༠༢༡་ལོའི་བོད་མིའི་སྒྲིག་འཛུགས་ཀྱི་སྲིད་སྐྱོང་དང་སྐབས་༡༧་པའི་བོད་མི་དམངས་སྤྱི་འཐུས་གཉིས་ཀྱི་སྔོན་འགྲོའི་འོས་བསྡུ་ཆེན་མོར་ཐོ་འགོད་བྱས་ཡོད་མེད་དང་མི་མང་འོས་འཕེན་པ་ཚོས་བསམ་བློའི་གྲ་སྒྲིག་བྱེད་ཕྱོགས་སོགས་ལ་མེགྷ་ལོར་ཁྲོམ་གཞུང་དུ་བོད་པ་ཁག་ཅིག་ལ་བཅའ་འདྲི་ཞུས། མཐོ་སློབ་འགྲིམ་བཞིན་པའི་བུ་མོ་པདྨ་ཞེས་པ་ཞིག་གིས་ངས་ལོ་རྗེས་མའི་འོས་འདེམས་ལ་ཆེས་ཐོག་མར་འོས་ཤོག་འཕེན་གྱི་ཡོད། སེམས་ལ་དམིགས་བསལ་གྱི་ཚོར་སྣང་ཞིག་ཡོང་གི་འདུག དེ་ནི་ངས་སོ་སོ་འདོད་མོས་ཡོད་པའི་འགོ་ཁྲིད་ཅིག་གདམ་ཐུབ་ཀྱི་ཡོད་པ་དང་རང་ལ་ཆབ་སྲིད་ཀྱི་རང་དབང་ཡོད་པ་ལོངས་སུ་སྤྱོད་ཐུབ་ཀྱི་ཡོད་པས་རེད་ཅེས་ལན་བཏབ།།

དབུས་འོས་བསྡུ་ལས་ཁང་གི་སྤྱི་ཁྱབ་འགན་འཛིན་སྤེ་ཟུར་དབང་འདུས་ཚེ་རིང་གིས་གསར་འགོད་གསར་བསྒྲགས་ཤིག་སྤེལ་ཡོད་པ་དེར་བོད་པ་གནས་འཁོད་ས་གནས་ཡོངས་སུ་འོས་བསྡུའི་ཐོ་འགོད་བྱེད་མཁན་མི་གྲངས་༧༩༦༩༧་བྱུང་འདུག ད་དུང་ཡང་སྲིད་སྤྱིའི་འོས་འདེམས་ལ་ཐོ་འགོད་བྱེད་འདོད་ཡོད་མཁན་ཚོར་གོ་སྐབས་འཕར་མ་ཞིག་སྤྲོད་ཀྱི་ཡོད། དེ་ནི་ཟླ་བ་འདིའི་ཚེས་༢༣་ནས་ཉིན་ལྔའི་རིང་ཡིན། ༢༠༡༡་གི་སྲིད་སྐྱོང་དང་སྤྱི་འཐུས་འོས་འདེམས་ལ་འཛམ་གླིང་རྒྱལ་ཁབ་༢༦་གི་ནང་དུ་གནས་འཁོད་བོད་པ་ཚོས་ཐོ་འགོད་བྱས་ནས་འོས་ཤོག་འཕེན་གྱི་ཡོད་ཅེས་བསྒྲགས་ཡོད་པའི་སྐོར། བཞུགས་སྒར་ནས་འདི་གའི་གསར་འགོད་པ་སྐལ་བཟང་འཇིགས་མེད་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།

Embed share

བོད་པ་བཙན་བྱོལ་བ་ཚོས་སྲིད་སྤྱིའི་འོས་བསྡུར་ཐོ་འགོད།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:00 0:00

ཐད་ཀར་ཕབ་ལེན་གྱི་དྲ་འབྲེལ།

• 128 kbps | MP3
• 32 kbps | MP3

གསན་གཟིགས་གནང་ས།