རྒྱ་གར་གྱི་གནའ་བོའི་རིག་གནས་ཁྱབ་སྤེལ་གཏོང་དགོས་པའི་བཀའ་སློབ།

༡༥།༡༢།༢༠༢༠

Embed

No media source currently available

0:00 0:03:03 0:00

༄༅།། དེ་རིང་ཕྱི་ཟླ་༡༢་པའི་ཚེས་༡༥་ཉིན་རྒྱ་གར་རྒྱལ་ཡོངས་འཕྲུལ་རིག་བསྟི་གནས་ཁང་གིས་ཇི་ལྟར་གསོལ་བ་བཏབ་པ་བཞིན་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་རྒྱལ་བའི་ཕོ་བྲང་དུ་དྲྭ་ལམ་བརྒྱུད་ནས་རྒྱ་གར་གྱི་གནའ་བོའི་རིག་གནས་དང་དེང་དུས་ཀྱི་ཤེས་ཡོན་གཉིས་ཟུང་འབྲེལ་བྱ་གལ་ཆེ་བའི་ལམ་སྟོན་བཀའ་སློབ་དང་དྲི་བ་དྲིས་ལན་གྱི་མཛད་རིམ་ཞིག་བསྐྱངས་ཡོད་ཅིང་། ༧གོང་ས་མཆོག་གིས་དུས་རབས་སྔོན་མར་རྒྱ་གར་གྱི་མེས་པོ་དམ་པ་གྷན་དྷིས་འཚེ་བ་མེད་པའི་ལྟ་གྲུབ་ཅིག་འཛམ་གླིང་ཡོངས་ལ་དར་སྤེལ་མཛད་འདུག ད་ལྟའི་རྒྱ་གར་བའི་མི་རབས་གསར་པ་ཚོས་འཚོ་བ་མེད་པའི་ལྟ་གྲུབ་ཉམས་སུ་བླངས་ཏེ་བྱམས་བརྩེའི་ལྟ་གྲུབ་དེ་ཉིད་འཛམ་གླིང་ཡོངས་ལ་ཁྱབ་སྤེལ་གཏོང་ཐུབ་ཚེ། འཛམ་གླིང་ཧྲིལ་པོ་ཞི་བདེ་ལྡན་པའི་སྤྱི་ཚོགས་ཤིག་ཏུ་འགྱུར་བར་རླབས་ཆེན་གྱི་ཞབས་འདེགས་བསྒྲུབ་ཐུབ་ཅེས་གསུངས་ཡོད་པའི་སྐོར། བཞུགས་སྒར་ནས་འདི་གའི་གསར་འགོད་པ་བསྟན་འཛིན་བཟང་མོ་ལགས་ཀྱིས་བཏང་བའི་གནས་ཚུལ་དེ་གསན་རོགས་གནང་།།

Embed

No media source currently available

0:00 0:05:02 0:00