ངོ་འཕྲད་བདེ་བའི་དྲ་འབྲེལ།

རྡ་སའི་བོད་པ་ནད་དུག་འགོས་པ་ཚོ་སྨན་ཁང་དུ་བསྐྱལ་འདུག


༄༅།། ཉེ་ལམ་རྒྱ་གར་གྱི་ཧི་མ་ཅལ་མངའ་སྡེའི་གཞུང་གིས་ཟ་ཁང་དང་མགྲོན་ཁང་གི་ལས་བྱེད་པ་ཡོངས་རྫོགས་ལ་ཏོག་དབྱིབས་ནད་དུག་འགོས་ཡོད་མེད་བརྟག་དཔྱད་བྱ་དགོས་པའི་བཀོད་ཁྱབ་བཏང་ཡོད་ཅིང་། མེགྷ་ལོར་ཁྲོམ་གཞུང་དུ་བོད་པ་དང་རྒྱ་གར་ཡུལ་མི་ཁག་ཅིག་ལ་ཏོག་དབྱིབས་ནད་དུག་འགོས་ཡོད་པ་ཤེས་རྟོགས་བྱུང་སྟེ་ས་གནས་གྲོང་སྡེ་ལས་ཁུངས་ཀྱིས་ཇོ་ཀི་ཝར་ལམ་ཟུར་གྱི་ཁྲོམ་གཞུང་གི་གཞོགས་གཅིག་གནས་སྐབས་རིང་སྒོ་བརྒྱབ་སྟེ་འགྲོ་འོང་བཀག་སྡོམ་བྱས་འདུག

རྡ་སའི་ས་གནས་འགོ་འཛིན་ལས་ཁུངས་ཀྱིས་བོད་པ་ཏོག་དབྱིབས་ནད་དུག་འགོས་པའི་ནད་པ་ཚོར་ལྟ་སྐྱོང་གནང་བཞིན་ཡོད་པར་མ་ཟད། སྨན་ཞབས་པ་གཉིས་ཀྱིས་འབྲེལ་གཏུག་རོགས་རམ་ཡང་བྱེད་བཞིན་འདུག ནད་དུག་ཕོག་པའི་ནད་པ་ཚོར་འབྲེལ་བ་བྱུང་བའི་མི་ཁག་ཅིག་གིས་རང་ཉིད་སུ་དང་སུ་ལ་འབྲེལ་བ་བྱུང་བ་རྣམས་ཁ་གསལ་མ་བཤད་པའི་དཀའ་ངལ་ཡང་འཕྲད་ཀྱི་ཡོད་པ་དང་། དེ་བཞིན་༢༠༢༡་ལོའི་སྲིད་སྐྱོང་དང་སྤྱི་འཐུས་ཀྱི་འོས་མིར་ལང་མཁན་སུ་འདྲ་ཞིག་གིས་ཀྱང་རྡ་སའི་བོད་པའི་ཚོགས་སྡེ་ཁག་ལ་དྲིལ་བསྒྲགས་ལས་འགུལ་མ་སྤེལ་སྔོན་དེར་རྒྱ་གར་ས་གནས་རྗོང་དཔོན་ལས་ཁུངས་སུ་ངེས་པར་དུ་ཆོག་མཆན་ཞུ་དགོས་པ་སོགས་ཀྱི་སྐོར། བཞུགས་སྒར་ནས་འདི་གའི་གསར་འགོད་པ་སྐལ་བཟང་འཇིགས་མེད་ཀྱིས་བཏང་བའི་གནས་ཚུལ་དེ་གསན་རོགས་གནང་།།

ཐད་ཀར་ཕབ་ལེན་གྱི་དྲ་འབྲེལ།


XS
SM
MD
LG