ངོ་འཕྲད་བདེ་བའི་དྲ་འབྲེལ།

རྒྱལ་སྤྱིའི་སྟེང་བོད་དོན་ཞུ་འབོད་ཀྱི་ལས་འགུལ་སྤེལ་བ།


Watch Kunleng TV LIVE! (Windows)

ཐེངས་འདིའི་ལས་རིམ་ནང་ད་ལོའི་ཕྱི་ཟླ་གསུམ་པའི་ནང་ཡུ་རོབ་དང་། ཁེ་ན་ཌ། ཨོ་སི་ཊི་ལི་ཡ་སོགས་སུའང་རྒྱལ་ཁབ་ཀྱི་གྲོས་ཚོགས་འཐུས་མི་མང་པོ་ལ་བོད་དོན་ཞུ་འབོད་ཀྱི་ལས་འགུལ་སྤེལ་ནས། བོད་ནང་གི་གནས་ཚུལ་ངོ་སྤྲོད་དང་རྒྱལ་སྤྱིའི་སྟེང་གི་རྒྱབ་སྐྱོར་ཤུགས་ཆེར་གཏོང་བའི་འབད་བརྩོན་གནང་བའི་ཐད་བགྲོ་གླེང་བྱེད་རྒྱུ་ཡིན། ལས་རིམ་ནང་དུ་ཨོ་སི་ཊི་ལི་ཡ་བོད་ཀྱི་ལྷན་ཁང་གི་སྐྱིད་འཛོམས་ལགས་གྲོང་ཁྱེར་སེ་ཊི་ནེ་ནས་གདན་འདྲེན་ཞུས་ཡོད། དེ་བཞིན་དུ་དབྱིན་ཇིའི་རྒྱལ་ས་ལོན་ཌོན་ནས་དབྱིན་ཡུལ་བོད་ཀྱི་ཚོགས་པའི་ བསྟན་འཛིན་བསམ་འཕེལ་ལགས་གདན་འདྲེན་ཞུས་ཡོད། ད་རུང་ཁ་ན་ཌ་ཡི་མངའ་སྡེ་ཁོ་བྷེ་ཁི་ནས་བོད་པའི་རིག་གཞུང་མཐུན་ཚོགས་ཀྱི་ཚོགས་གཙོ་བཀྲ་ཤིས་དབང་རྒྱལ་ལགས་གདན་འདྲེན་ཞུས་ཡོད། དམིགས་བསལ་སྒོས་ལས་རིམ་ཁ་ཚང་ལ་མཉམ་ཞུགས་གནང་མཁན་ནི་བྷེལ་ཇེམ་དུ་རྟེན་གཞི་བྱས་ཡོད་པའི་རྒྱལ་སྤྱིའི་བོད་དོན་ལས་འགུལ་ཁང་གི་ཚེ་རིང་བྱམས་པ་ལགས་བཅས་གདན་འདྲེན་ཞུས་ཡོད།

ཀུན་གླེང་ནི་འཁོར་སྐར་བརྒྱུད་ནས་བལྟ་ཐུབ་པ་དང་ རླུང་འཕྲིན་ཐོག་ཏུ་ཉན་ ཐུབ་པ་མ་ཟད། ད་དུང་དྲ་རྒྱ་བརྒྱུད་ནས་ཀྱང་དུས་ཐོག་ཏུ་བལྟ་ཉན་བྱེད་ཐུབ་པ་དང༌། བདུན་ཕྲག་རེའི་གཟའ་ལྷག་པ་དང་གཟའ་པ་སངས་ནམ་ཡིན་ལ་འཛམ་གླིང་གཅིག་གྱུར་གྱི་ཆུ་ ཚོད་༡༤་ནས་༡༥་བར་རམ། ཡང་ན་ལྷ་སའི་དགོང་མོའི་ཆུ་ཚོད་༡༠་ནས་༡༡་བར་དུ་ཀུན་གླེང་ལ་བལྟ་ཉན་ཐུབ་ཅིང༌། བོད་དང་རྒྱ་ནག་ནས་ཁ་པར་ཨང་གྲངས་༡༠༨༨༨༨་མནན་ཚེ། ཨེ་ཊི་ཨེན་ཊི་ཞེས་པའི་སྒྲ་ཞིག་ཐོས། དེའི་རྗེས་སུ་ཁ་པར་ཨང་གྲངས་༨༦༦ ༨༣༧ ༥༡༥༩ མནན་ན་སྐུ་ཉིད་ཀྱིས་རིན་པ་སྤྲོད་མི་དགོས་པའི་ཁ་པར་དེ་ང་ཚོར་འཕྲོད། ཨ་རི་དང་རྒྱལ་ཁབ་གཞན་ནས་༡ ༢༠༢ ༦༡༩ ༣༧༧༤ མནན་ནས་ཁ་པར་འབྲེལ་མཐུད་པར་རིན་པ་ཨ་རིའི་རླུང་འཕྲིན་ཁང་ལ་སྤྲོད་དུ་འཇུག་ དགོས་ཞེས་མངགས་བཀོད་བྱེད་ན་ཁ་པར་གྱི་རིན་པ་ང་ཚོས་སྤྲོད་ངེས་ཡིན། ཡང་ན་སྔོན་ནས་སྐུ་ཉིད་ཀྱི་མིང་དང་ཁ་པར་ཨང་གྲངས་ང་ཚོར་བསྐུར་ཚེ། ང་ཚོས་ཀུན་གླེང་གི་བགྲོ་གླེང་སྐབས་སུ་སྐུ་ཉིད་ལ་འབྲེལ་བ་བྱེད་ཆོག་པ་དང༌། གལ་ཏེ་སྐུ་ཉིད་ཀུན་གླེང་ལ་དངོས་སུ་མཉམ་ཞུགས་མི་ཐུབ་ཀྱང་ང་ཚོར་ tibetantv@voanews.com བརྒྱུད་ནས་ཨི་མེལ་གཏོང་བའམ། ཡང་ན་ཧཕེཀ་སི་ཨང་གྲངས་༡ ༢༠༢ ༣༨༢ ༥༥༩༦ བརྒྱུད་ནས་དྲི་བ་བསྐུར་གནང་ཡོད་པ་ཞུ།
XS
SM
MD
LG