Watch Kunleng TV LIVE! (Windows)
བཞུགས་སྒར་དྷ་རམ་ས་ལར་བོད་མིའི་སྒྲིག་འཛུགས་ཀྱི་བཀའ་ཤག་དང་སྤྱི་འཐུས་ལྷན་ཚོགས་ཀྱིས་བཙན་བྱོལ་བོད་མིའི་བཅའ་ཁྲིམས་དགོངས་དོན་དམིགས་བསལ་ཚོགས་ཆེན་ཐེངས་གཉིས་པ་བསྐོང་ཚོགས་གནང་ཡོད་པ་དང་། ཚོགས་ཆེན་དེར་བོད་མིའི་སྒྲིག་འཛུགས་ཀྱི་བཀའ་བློན་ལས་ཟུར་དང་སྤྱི་འཐུས་ལས་ཟུར། དེ་བཞིན་འཛམ་གླིང་ཡུལ་གྲུ་སུམ་ཅུ་ཙམ་ནས་མི་མང་གི་སྐུ་ཚབ་འཐུས་མི་བཅས་མི་གྲངས་བཞི་བརྒྱ་ཙམ་འདུ་འཛོམས་གནང་ནས་བོད་ནང་ཛ་དྲག་གི་གནས་སྟངས་ལ་བཙན་བྱོལ་བོད་མི་ཚོས་གདོང་ལེན་བྱེད་ཕྱོགས་སོགས་ཀྱི་སྐོར་ལ་ཉིན་བཞིའི་རིང་བསམ་བསྡུར་བགྲོ་གླེང་གནང་གི་ཡོད་པ་རེད། ཀུན་གླེང་ལས་རིམ་གྱིས་ བཞུགས་སྒར་དྷ་རམ་ས་ལ་ནས་ཚོགས་ཆེན་ལ་ཚོགས་ཞུགས་གནང་མཁན་བྱང་ཨ་རིའི་བོད་མི་མང་སྤྱི་འཐུ་བཀྲ་ཤིས་རྣམ་རྒྱལ་ལགས་དང་། སུད་སི་ནས་མི་རབས་གསར་པའི་མཐུན་ཚོགས་ཀྱི་ཚོགས་གཙོ་ཐུབ་བསྟན་དཔའ་བོ། རྒྱ་གར་ལྷོ་ཕྱོགས་བྷེ་ལ་ཀུ་པི་ནས་སྤྱི་མཐུན་བོད་མིའི་མཉམ་འབྲེལ་གྱི་འགན་འཛིན་བཀྲིས་དབང་འདུད་ལགས་བཅས་གདན་འདྲེན་ཞུས་ནས་དམིགས་བསལ་ཚོགས་ཆེན་ལ་རེ་བ་དང་དགོངས་འཆར་གང་ཡོང་གི་ཡོད་པ་བཅས་ཀྱི་སྐོར་ལ་བགྲོ་གླེང་ཞུ་རྒྱུ་ཡིན།ཀུན་གླེང་ནི་འཁོར་སྐར་བརྒྱུད་ནས་བལྟ་ཐུབ་པ་དང་ རླུང་འཕྲིན་ཐོག་ཏུ་ཉན་ ཐུབ་པ་མ་ཟད། ད་དུང་དྲ་རྒྱ་བརྒྱུད་ནས་ཀྱང་དུས་ཐོག་ཏུ་བལྟ་ཉན་བྱེད་ཐུབ་པ་དང༌། བདུན་ཕྲག་རེའི་གཟའ་ལྷག་པ་དང་གཟའ་པ་སངས་ནམ་ཡིན་ལ་འཛམ་གླིང་གཅིག་གྱུར་གྱི་ཆུ་ ཚོད་༡༤་ནས་༡༥་བར་རམ། ཡང་ན་ལྷ་སའི་དགོང་མོའི་ཆུ་ཚོད་༡༠་ནས་༡༡་བར་དུ་ཀུན་གླེང་ལ་བལྟ་ཉན་ཐུབ་ཅིང༌། བོད་དང་རྒྱ་ནག་ནས་ཁ་པར་ཨང་གྲངས་༡༠༨༨༨༨་མནན་ཚེ། ཨེ་ཊི་ཨེན་ཊི་ཞེས་པའི་སྒྲ་ཞིག་ཐོས། དེའི་རྗེས་སུ་ཁ་པར་ཨང་གྲངས་༨༦༦ ༨༣༧ ༥༡༥༩ མནན་ན་སྐུ་ཉིད་ཀྱིས་རིན་པ་སྤྲོད་མི་དགོས་པའི་ཁ་པར་དེ་ང་ཚོར་འཕྲོད། ཨ་རི་དང་རྒྱལ་ཁབ་གཞན་ནས་༡ ༢༠༢ ༦༡༩ ༣༧༧༤ མནན་ནས་ཁ་པར་འབྲེལ་མཐུད་པར་རིན་པ་ཨ་རིའི་རླུང་འཕྲིན་ཁང་ལ་སྤྲོད་དུ་འཇུག་ དགོས་ཞེས་མངགས་བཀོད་བྱེད་ན་ཁ་པར་གྱི་རིན་པ་ང་ཚོས་སྤྲོད་ངེས་ཡིན། ཡང་ན་སྔོན་ནས་སྐུ་ཉིད་ཀྱི་མིང་དང་ཁ་པར་ཨང་གྲངས་ང་ཚོར་བསྐུར་ཚེ། ང་ཚོས་ཀུན་གླེང་གི་བགྲོ་གླེང་སྐབས་སུ་སྐུ་ཉིད་ལ་འབྲེལ་བ་བྱེད་ཆོག་པ་དང༌། གལ་ཏེ་སྐུ་ཉིད་ཀུན་གླེང་ལ་དངོས་སུ་མཉམ་ཞུགས་མི་ཐུབ་ཀྱང་ང་ཚོར་ tibetantv@voanews.com བརྒྱུད་ནས་ཨི་མེལ་གཏོང་བའམ། ཡང་ན་ཧཕེཀ་སི་ཨང་གྲངས་༡ ༢༠༢ ༣༨༢ ༥༥༩༦ བརྒྱུད་ནས་དྲི་བ་བསྐུར་གནང་ཡོད་པ་ཞུ།
