༄༅།། རྒྱ་ནག་གཞུང་གིས་རང་གི་ས་ཐོག་ཏུ་བཅའ་སྡོད་ཕྱི་རྒྱལ་གྱི་གསར་འགོད་པ་ཕྱིར་འབུད་བྱས་པ་ཚོར་ཐེ་ཝན་གཞུང་གིས་སྣེ་ལེན་བྱས་ནས་རྒྱལ་སྤྱིའི་ཐོག་ཏུ་ཐེ་ཝན་གྱི་འབྲེལ་བ་རྒྱ་སྐྱེད་གཏོང་རྒྱུའི་ཤུགས་སྣོན་རྒྱག་གོ་ཡོད་ཅིང་། ན་ནིང་ལོར་རྒྱ་ནག་ནས་གསར་འགོད་པ་༣༠་ལྷག་ཐེ་ཝན་དུ་ཕེབས་ཡོད་པར་མ་ཟད། སྔོན་ཆད་རྒྱ་ནག་སྐམ་ས་ཆེན་མོར་གསར་འགོད་པའི་ཆེད་ལས་སྒྲུབ་ཐུབ་ཀྱི་མེད་པ་རྣམས་ཧོང་ཀོང་དམིགས་བསལ་ས་ཁུལ་དུ་གཞིས་ཚུགས་ནས་ཆེད་ལས་བསྒྲུབས། ད་ལྟ་ཧོང་ཀོང་ས་གནས་སུའང་རྒྱལ་སྤྱིའི་གསར་འགོད་པ་ཚོ་གནས་མ་ཐུབ་པར་ཐེ་ཝན་ལ་གནས་སྤོར་བྱེད་ཀྱི་ཡོད་པའི་སྐོར། ཚེ་རིང་དབང་མོས་ཕབ་སྒྱུར་དང་སྙན་སྒྲོན་ཞུ་ཡི་རེད།།
