སྤྱི་ནོར་༸གོང་ས་༸སྐྱོབས་མགོན་ཆེན་པོ་མཆོག་གིས་ཉེ་ཧོང་ནང་བཀའ་སློབ་སོགས་ཀྱི་མཛད་འཆར་ཁག་བསྐྱངས་དང་སྐྱོང་བཞིན་ཡོད་པ་དང། རེས་གཟའ་ཉི་མའི་ཉིན་༸གོང་ས་མཆོག་གིས་ཚན་རིག་གི་བགྲོ་གླེང་ཞིག་ལ་ལྷན་བཞུགས་གནང་ནས་ཉེ་ཧོང་གི་ཚན་རིག་པ་བཅས་དང་མི་གྲངས་ཆིག་སྟོང་ལྷག་ཙམ་ལ་འཇིག་རྟེན་དང་སྲོག་དེ་བཞིན་ཤེས་ཡོན་བཅས་ཀྱི་བརྗོད་གཞིའི་ཐོག་བཀའ་སློབ་གནང་ཡོད་པའི་སྐོར་རྒྱལ་མཚན་ཚེ་རིང་ལགས་ཀྱིས་སྐུ་ཚབ་དོན་གཅོད་ཁང་གི་གསར་འགོད་ལས་དོན་ཐད་ཀྱི་འབྲེལ་མཐུད་པ་སྐུ་ཞབས་བཀྲིས་སྟོབས་རྒྱལ་ལགས་སུ་་གནས་འདྲི་ཞུས་པའི་གནས་ཞིག་གསན་གྱི་རེད།
