༄༅།། རྒྱ་ནག་གི་སྤྱི་ཚོགས་སུ་ཚོང་འབྲེལ་ཡག་པོ་ཡོང་རྒྱུའི་ཆེད་དུ་ལས་ཀའི་རྗེས་སུ་ཆང་འཐུངས་ཏེ་མི་ལ་འབྲེལ་བ་འཛུགས་རྒྱུ་གནད་འགག་ཆེན་པོ་ཞིག་ལ་རྩི་བཞིན་ཡོད་ཅིང་། ལས་མི་གསར་པ་ན་གཞོན་མ་ཚོར་ཆང་འཐུང་དུ་བཅུག་སྟེ་བཙན་གཡེམ་བྱ་རྒྱུ་ཇེ་མང་དུ་འགྲོ་བཞིན་ཡོད་པར་མ་ཟད། དེང་སྐབས་རྒྱ་ནག་གི་ས་གནས་གང་སར་བཙན་གཡེམ་གྱི་གནས་ཚུལ་ཧ་ཅང་མང་པོ་ཞིག་འབྱུང་གི་ཡོད་པའི་སྐོར། དབྱིན་ཇིའི་བྷི་བྷི་སི་གསར་ཁང་གིས་བཙན་གཡེམ་གྱི་ཉམས་མྱོང་བྱུང་བའི་མི་ཁག་ཅིག་ལ་བཅར་འདྲ་ཞུས་པའི་གནས་ཚུལ་དེ་བསྟན་འཛིན་ལྷུན་གྲུབ་ལགས་ཀྱིས་སྙན་སྒྲོན་ཞུ་གནང་གི་རེད།།
