རྒྱ་གར་ལྷོ་ཕྱོགས་སུ་གནས་བཞུགས་བོད་མི་མང་སྤྱི་འཐུས་གསུམ་གྱིས་གཟའ་ལྷག་པའི་ཉིན་ཧུན་སུར་རབ་རྒྱས་གླིང་དུ་ད་ལྟའི་བོད་ཀྱི་ཛ་དྲག་གི་གནས་སྟངས་ཐད་བགྲོ་གླེང་ནང་མཉམ་ཞུགས་གནང་ཡོད་པ་རེད། རྒྱ་གར་ལྷོ་ཕྱོགས་བོད་མིའི་གཞི་ཆགས་ཁག་གི་གྲོང་ཁོངས་ཁྱེར་ཆེ་ཁག་ཏུ་ལས་ཀ་བྱེད་མཁན་དང་སློབ་ཕྲུག་ཕལ་ཆེ་བ་གྲོང་ཁྱེར་ནས་ཕྱིར་གཞི་ཆགས་སུ་གནས་སྐབས་རིང་ལོག་ཡོང་བ་དང་ བསྟུན་རབ་རྒྱས་གླིང་བོད་མིའི་གཞི་ཆགས་སུ་བགྲོ་གླེང་ཞིག་ཚོགས་ཡོད་པ་དང། ཡང་ས་གནས་སུ་འདི་ལོ་སྟོན་ཐོག་ཡག་པོ་བྱུང་མེད་པའི་སྐོར་ས་གནས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཞོན་ཚེ་རིང་ལགས་སུ་འདི་གའི་བསོད་ནམས་གཡང་འཛོམས་ཀྱིས་བཀའ་འདྲི་ཞུས་པ་ཞིག་ཡོད།
