སྔ་ལོ་རྒྱ་གར་གྱི་ཧི་མ་ཅལ་མངའ་སྡེའི་ཉེན་རྟོག་པ་ཚོས་རྒྱལ་བ་ཀརྨ་པའི་བླ་བྲང་ལ་ཕྱི་རྒྱལ་གྱི་དངུལ་སྒོར་མང་པོ་ཡོད་པ་ཤེས་རྟོགས་བྱུང་སྟེ། ཧི་མ་ཅལ་མངའ་སྡེའི་གཞུང་གིས་རྒྱལ་བ་ཀརྨ་པར་ལྐོག་གཡོའི་ནག་ཉེས་བཀལ་རུང་། ད་ལྟ་ཧི་མ་ཅལ་མངའ་སྡེའི་གཞུང་གིས་ཉེས་འཛུགས་ཡོངས་རྫོགས་ཕྱིར་འཐེན་བྱས་ཡོད་པ་མ་ཟད། ཀརྨ་པའི་བླ་བྲང་གིས་ཀྱང་རྒྱ་གར་གཞུང་གི་ཐག་གཅོད་དེར་དགའ་བསུ་ཞུས་ཡོད་པའི་སྐོར། རྒྱལ་སྤྱིའི་གསར་འགྱུར་བརྒྱུད་ལམ་ཁག་ལ་ཐོན་པའི་གནས་ཚུལ་ཁག་གཅིག་རྒྱལ་མཚན་ཚེ་རིང་གིས་ཕྱོགས་སྒྲིག་དང་སྙན་སྒྲོན་ཞུ་ཡི་རེད།