རྒྱ་གར་གཞུང་གིས་རྒྱ་ནག་གི་དིང་ཁ་བརྡའི་བཀོལ་ཆས་བཀག་པ།

Embed share

རྒྱ་གར་གཞུང་གིས་རྒྱ་ནག་གི་དིང་ཁ་བརྡའི་བཀོལ་ཆས་བཀག་པ།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:06:01 0:00

ཐད་ཀར་ཕབ་ལེན་གྱི་དྲ་འབྲེལ།

• 32 kbps | MP3

གསན་གཟིགས་གནང་ས།

༄༅།། རྒྱ་གར་གཞུང་གིས་ལོ་འདིའི་ཕྱི་ཟླ་༦་ནང་དུ་རྒྱ་ནག་ནས་བཟོས་པའི་ཊིཀ་ཊོཀ་དང་སྐད་འཕྲིན་ལ་སོགས་པའི་བཀོལ་ཆས་༥༩་བཀག དེ་ནས་ཕྱི་ཟླ་༩་ནང་དུ་རྒྱ་ནག་གིས་བཟོས་པའི་བཀོལ་ཆས་༡༡༨་བཀག་ཅིང་། ཟླ་བ་འདིའི་ཕྱི་ཚེས་༢༤་ཉིན་རྒྱ་གར་གྱི་གློག་ཆས་དང་འཕྲུལ་རིག་ལྷན་ཁང་གིས་སླར་ཡང་རྒྱལ་ཁབ་ཀྱི་བདག་དབང་དང་མངའ་ཁོངས་གོང་བུ་གཅིག་གྱུར། བདེ་འཇགས་སྲུང་སྐྱོབ། རྒྱལ་ཁབ་དང་སྤྱི་དམངས་ཀྱི་བདེ་འཇགས་བཅས་ལ་དམིགས་ཏེ་རྒྱ་ནག་གི་ཨ་ལི་བྷ་བྷ་བཟོ་ཚོང་ཁང་གི་བཀོལ་ཆས་ཚུད་པའི་རྒྱ་ནག་གིས་བཟོས་པའི་ཁ་པར་དང་གློག་ཀླད་ཀྱི་བཀོལ་ཆས་༤༣་བཀག་འདུག རྒྱ་གར་གཞུང་གིས་བཀག་སྡོམ་བྱས་པའི་བཀོལ་ཆས་དེ་དག་གི་གྲས་སུ་དེང་སྐབས་བོད་ཕྱི་ནང་གཉིས་ཀྱི་འབྲེལ་བ་བྱ་ཡུལ་གྱི་བརྒྱུད་ལམ་གཙོ་བོ་སྟེ། དིང་ཁ་བརྡ་ཞེས་པའི་བཀོལ་ཆས་ཚུད་འདུག

རྒྱ་གར་དབུས་གཞུང་འཕྲུལ་རིག་ལྷན་ཁང་གི་ཐག་གཅོད་འདི་ནི་རྒྱ་གར་གྱི་རྒྱལ་ཡོངས་དྲྭ་ལམ་བདེ་འཇགས་འབྲེལ་མཐུད་ཁང་གི་མོས་མཐུན་ལྟར་རྒྱ་གར་གྱི་འཕྲུལ་རིག་དོ་དམ་ཁྲིམས་ཡིག་དོན་ཚན་༦༩་པའི་ཀ་པ་གཞིར་བཟུང་ལྟར་ལག་ལེན་བསྟར་པ་ཞིག་ཡིན་འདུག བོད་ནང་ཁུལ་དང་བཙན་བྱོལ་སྤྱི་ཚོགས་སུ་ཟླ་བ་འདིའི་ཕྱི་ཚེས་༡༢་ནས་བཟུང་སྟེ་དིང་ཁ་བརྡ་ཞེས་པའི་བཀོལ་ཆས་དེ་བེད་སྤྱོད་གཏོང་མི་ཐུབ་པར་གྱུར་པའི་གནས་ཚུལ་ཐོན། འདི་ནི་རྒྱ་ནག་གཞུང་གིས་ཆེད་དུ་བཀག་པ་ཞིག་ཡིན་མིན་སོགས་ལ་དམིགས་བསལ་གྱི་གཞུང་འབྲེལ་གསལ་བསྒྲགས་གང་ཡང་མཐོང་རྒྱུ་མེད་ཀྱང་བཀོལ་ཆས་དེ་བོད་ནང་ཁུལ་དུ་བཀོལ་སྤྱོད་བྱེད་ཐུབ་ཀྱི་མི་འདུག་ཅེས་མིང་བརྗོད་འདོད་མེད་པའི་འབྲེལ་ཡོད་བོད་པ་ཞིག་གིས་གནས་ཚུལ་མཁོ་སྤྲོད་བྱས་བྱུང་།།

དཀའ་ངལ་འདི་གསར་འགྱུར་མཁོ་སྤྲོད་པ་གཅིག་པུར་མིན་པར་འབྲེལ་ཡོད་མི་ཁ་ཤས་ལ་སྐད་ཆ་དྲིས་ཀྱང་ངོ་ཤེས་སྐད་ཆ་འདྲི་ཡུལ་དེ་དག་ལའང་དིང་ཁ་བརྡ་བཀོལ་སྤྱོད་བྱེད་མི་ཐུབ་པའི་དཀའ་ངལ་གཅིག་མཚུངས་ཤིག་འཕྲད་ཀྱི་ཡོད་ལུགས་ཀྱི་ལན་འདེབས་བྱུང་ཞེས་འགྲེལ་བརྗོད་བྱས་འདུག ཕྱི་ཚེས་༡༢་ཉིན་དིང་ཁ་བརྡ་བཀོལ་སྤྱོད་མེད་པར་གྱུར་དོན་སོགས་ལ་རྒྱ་གར་དུ་གནས་འཁོད་བོད་པ་ཁག་ཅིག་གིས་དྲྭ་ལམ་དུ་གནས་ཚུལ་སྤེལ་འདུག་པ་ལྟར་ན། ཕྱི་ཚེས་༡༢་ཉིན་ནས་དིང་ཁ་བརྡ་བཀག་ཚར་འདུག ད་ནི་བོད་ལ་འབྲེལ་བ་བྱ་ལམ་གཅིག་ལས་མེད་པའང་འགགས་སོང་ཞེས་སྡུག་སྐད་བརྒྱབ་ནས་གནས་ཚུལ་བཀོད་འདུག རྒྱ་གར་དུ་གནས་འཁོད་བོད་པ་ཞིག་གིས་བཀོལ་ཆས་དེ་བཀག་པའི་སྟབས་ཀྱིས་བོད་ནང་གི་བཟའ་མི་སྤུན་མཆེད་སོགས་ལ་འབྲེལ་བ་ཆད་སོང་ཞེས་བརྗོད་ཡོད་པ་རེད།།

དེ་སྔོན་བོད་ཕྱི་ནང་གཉིས་ལ་རྒྱ་ནག་གིས་བཟོས་པའི་སྐད་འཕྲིན་བརྒྱུད་ནས་འབྲེལ་བ་བྱེད་ཀྱི་ཡོད་ཀྱང་ད་ལོའི་ཕྱི་ཟླ་༦་པ་ནས་རྒྱ་གར་གཞུང་གིས་སྐད་འཕྲིན་སྒོ་བརྒྱབ། དེའི་རྗེས་སུ་རྒྱ་ནག་གི་ཨ་ལི་བྷ་བྷ་བཟོང་ཚོང་ཁང་གིས་བཟོས་པའི་དིང་ཁ་བརྡའི་བཀོལ་ཆས་བརྒྱུད་ནས་བོད་ལ་འབྲེལ་བ་བྱ་དགོས་བྱུང་ཡོད་པ་རེད། ད་ལྟ་རྒྱ་གར་གཞུང་གིས་བཀོལ་ཆས་དེ་བཀག་ཡོད་སྟབས་སླད་ཕྱིན་བོད་ཕྱི་ནང་གཉིས་ལ་འབྲེལ་བ་བྱ་སའི་བརྒྱུད་ལམ་གཞན་དག་ཅི་ཞིག་ཡོད་མེད་སོགས་ལ་བོད་ཀྱི་དྲྭ་རྒྱའི་ཆེད་ལས་པ་བློ་བཟང་ལགས་སུ་བཅར་དྲི་ཞུས། ཁོང་གིས་ད་ལྟའི་ཆར་ཝྭི་ཕི་ཨེན་བེད་སྤྱོད་ཀྱིས་འབྲེལ་བ་བྱ་ཐབས་བྱས་ན་མ་གཏོགས་ཐབས་ལམ་གཞན་པ་མི་འདུག་ཅེས་ལན་འདེབས་གནང་བྱུང་།།
སྤྱིར་རྒྱ་ནག་གཞུང་གིས་བཀོལ་ཆས་དེ་ཝུ་ཧན་ནས་མཆེད་པའི་ཏོག་དབྱིབས་ནད་དུག་ཁྱབ་པའི་རྗེས་སུ་སློབ་གྲྭ་ཁག་ཚོགས་མ་ཐུབ་པའི་རིང་ལ་བོད་ནང་ལོགས་ཀྱི་སློབ་ཕྲུག་དང་ཁྱིམ་བདག དགེ་རྒན་བཅས་ལ་ཕབ་ལེན་བྱེད་བཅུག་སྟེ་སློབ་ཁྲིད་བྱ་རྒྱུར་བེད་སྤྱོད་བཏང་ཡོད་ཅིང་། དེ་བཞིན་བོད་པ་ལས་བྱེད་པ་ཚོར་བཀོལ་ཆས་དེ་ཕབ་ལེན་བྱེད་དུ་བཅུག་སྟེ་བཀོལ་ཆས་དེ་བརྒྱུད་ནས་དོ་དབག་གི་བྱ་སྤྱོད་ཀུན་ལ་རྒྱ་གཞུང་གིས་ལྟ་ཞིབ་བྱེད་ཀྱི་ཡོད་པའི་གནས་ཚུལ་ཐོན་ཡོད་པའི་སྐོར། རྒྱ་གར་ལྷོ་ཕྱོགས་ནས་འདི་གའི་གསར་འགོད་པ་རྒྱལ་མཚན་ཆོས་གྲགས་ལགས་ཀྱིས་བཏང་བའི་གནས་ཚུལ་