༧གོང་ས་མཆོག་གིས་དྲ་ལམ་བརྒྱུད་སེམས་བསྐྱེད་ཆོ་ག་གནང་བ།
བདག་ཅག་གི་སྟོན་པ་ཤཱཀྱ་ཐུབ་པ་ཡུམ་གྱི་ལྷུམས་སུ་ཞུགས་པ་དང་། མངོན་པར་རྫོགས་པར་སངས་རྒྱས་པ། སྐུ་མྱ་ངན་ལས་འདས་པ་བཅས་དུས་ཆེན་གསུམ་འཛོམས་ཀྱི་ཉིན་མོ་དེར། བོད་མིའི་མགོན་སྐྱབས་༸སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་དྲྭ་ལམ་བརྒྱུད་སེམས་བསྐྱེད་ཀྱི་ཆོ་ག་བསྩལ་གནང་མཛད་པའི་སྐབས། ས་ག་ཟླ་བའི་དུས་ཆེན་ནམ་ཡིན་ལ། བྱང་ཆུབ་མཆོག་ཏུ་སེམས་བསྐྱེད་ནས་སྟོན་པའི་བཀའ་དྲིན་རྗེས་དྲན་སྲུང་བརྩི་གནང་གལ་ཆེ་བའི་ལམ་སྟོན་གནང་སོང་།
