ཨེ་འགོག་ལས་འགུལ་བ་མིང་གྲགས་ཅན་ཞིག་གི་གསལ་བཤད།

Embed share

ཨེ་འགོག་ལས་འགུལ་བ་མིང་གྲགས་ཅན་ཞིག་གི་གསལ་བཤད།

by ཨ་རིའི་རླུང་འཕྲིན་ཁང་།

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:10 0:00

ཐད་ཀར་ཕབ་ལེན་གྱི་དྲ་འབྲེལ།

• 32 kbps | MP3

གསན་གཟིགས་གནང་ས།

༄༅།། བོད་ཀྱི་ཨེ་འགོག་ལས་འགུལ་བ་མིང་གྲགས་ཅན་ཆོས་དཔལ་བཟང་པོས་ཉེ་ཆར་བོད་པ་ཨེ་ཛིའི་ནད་པ་ཞིག་ལ་རོགས་རམ་བྱས་པའི་སྐབས་སུ་སྟབས་མ་ལེགས་པར་ནད་པའི་ཁྲག་འགོས་པས་མི་མང་པོས་ཆོས་དཔལ་བཟང་པོར་ཨེ་ནད་འགོས་ཡོད་པར་སེམས་ཁྲལ་དང་དོགས་པ་བྱེད་ཀྱི་ཡོད་འདུག འོན་ཀྱང་ཁ་སང་སྤྱི་ཚེས་༢༦་གི་ཉིན་ཨེ་འགོག་ལས་འགུལ་བ་ཆོས་དཔལ་བཟང་པོས་སྒེར་གྱི་ཨེ་ཛེའི་ནད་ཡམས་སྔོན་འགོག་ཤེས་བྱ་དྲིལ་བསྒྲགས་འཕྲིན་སྟེགས་བརྒྱུད་ལམ་དུ་ང་ལ་ཨེ་ཛི་ནད་དུག་འགོས་མི་འདུག་ཅེས་ཁ་བྱང་འཁོད་པའི་གསལ་བསྒྲགས་ཞིག་སྤེལ་འདུག

ཨེ་འགོག་ལས་འགུལ་བ་ཆོས་དཔལ་བཟང་པོས་དེ་སྔོན་སྤྱི་ལོ་༢༠༡༩་ལོའི་ཟླ་༡༢་པའི་ཚེས་༡༠་ཉིན་སི་ཁྲོན་ཞིང་ཆེན་གྱི་གྲོང་ཁྱེར་གཙོ་བོ་ཁྲིན་ཏུའུ་ས་གནས་སུ་ཕ་ཡུལ་བོད་རང་སྐྱོང་ལྗོངས་ཀྱི་ཁོངས་ནས་ཡིན་པའི་བོད་པ་ཨེ་ཛིའི་ནད་པ་བུད་མེད་ཅིག་ལ་ནད་བརྟག་རོགས་རམ་བྱས་པའི་སྐབས་སུ་ནད་པའི་ཁྲག་འགོས་ཡོད་པའི་འགྱིག་སྦུག་ཞིག་གི་སྣེ་མོ་སྟབས་མ་ལེགས་པར་ཁོ་པའི་ལག་པའི་སྟེང་དུ་འཛེར་བས་ཨེ་ཛེའི་ནད་འགོས་ཡོད་པའི་དོགས་པ་བྱུང་ཞིང་། ཨེ་འགོག་ལས་འགུལ་བ་ཨེ་ཛིའི་ནད་པའི་ཁྲག་འགོས་པའི་ཆུ་ཚོད་གསུམ་གྱི་རྗེས་སུ་སྨན་ཁང་དུ་དུག་གནོན་སྨན་བརྒྱབ་ནས་ན་ཚ་སྔོན་འགོག་བྱས་འདུག ཁོང་གིས་ཉིན་དེར་རང་ལ་ཨེ་ཙེའི་ན་ཚ་འགོས་ཁྱབ་བྱུང་ཡོད་པར་དོགས་པ་སྐྱེས་པའི་ཉིན་མོ་ནས་བརྟག་དཔྱད་ཀྱི་གྲུབ་འབྲས་སོགས་ཐད་ཀར་དྲྭ་ལམ་དུ་གསལ་བསྒྲགས་བྱས་འདུག ཆོས་དཔལ་བཟང་པོའི་འཕྲིན་སྟེགས་ཀྱི་རྗེས་འབྲང་བ་དང་དོ་སྣང་བྱེད་མཁན་གྱི་བོད་པ་མང་པོས་དོ་བདག་ལ་ཨེ་ཛེའི་རིམས་ནད་འགོས་ཡོད་པའི་དོགས་པ་དང་སེམས་ཁྲལ་ཆེན་པོ་བྱེད་བཞིན་ཡོད་་ཀྱང་དུས་ཡུན་རིང་པོར་སྔོན་འགོག་བྱས་པའི་བརྟག་དཔྱད་བྱས་པའི་མཇུག་འབྲས་ལྟར་དེ་རིང་ཁོ་པར་ཨེ་ཛེའི་ནད་ཡམས་འགོས་མི་འདུག་ཅེས་དྲ་ལམ་དུ་གསལ་བཤད་བྱས་པ་ཞིག་རེད།

ཆོས་དཔལ་བཟང་པོ་ནི་བོད་ཀྱི་ཀུན་བརྩེ་ཨེ་འགོག་ཚོགས་པའི་ཨེ་འགོག་ལས་འགུལ་བ་ཞིག་ཡིན་པ་དང་འདས་པའི་ལོ་མང་རིང་བོད་ཀྱི་ས་ཆ་གང་སར་ཨེ་ཛིའི་ན་ཚ་གཙོ་བྱས་པའི་རིམས་ནད་ཀྱི་སྐོར་དང་སྐྲན་ནད། མོ་ནད་སོགས་ནད་རིགས་སྣ་ཚོགས་ཤིག་སྔོན་འགོག་གི་ཆེད་དུ་མི་དམངས་ལ་ནད་རིགས་སྔོན་འགོག་དང་གསོ་བཅོས་བྱེད་ཐབས་སོགས་ཀྱི་གོ་རྟོགས་སྤེལ་རྒྱུའི་ཕྱག་ལས་མང་པོ་གནང་ཞིང་། ཁོང་གིས་གཙོ་འགན་ཁུར་ནས་ད་ལྟའི་བར་དུ་བོད་ཡུལ་སྟོད་སྨད་བར་གསུམ་དུ་ཨེ་འགོག་ལས་འགུལ་དང་གསོ་བཅོས་བྱ་རྒྱུའི་ཆེད་དུ་ཀུན་བརྩེ་ཨེ་འགོག་ལས་འགུལ་ཚོགས་པའི་གསོ་སྦྱོང་ཚོགས་འདུ་ཞེས་པ་ཐེངས་བཅོ་ལྔ་ལ་བསྡུས་འདུག གཞན་ཨེ་འགོག་བྱེད་སྒོ་ལེ་དབར་ཁྲི་ཕྲག་མ་ཞེས་ཐེངས་དྲུག་ལ་སྤེལ་ནས་བོད་ཀྱི་ས་ཁུལ་མང་པོར་ཆེད་དུ་ཨེ་ཛི་གཙོ་བྱས་པའི་ནད་ཡམས་ཀྱི་རིགས་སྔོན་འགོག་ཐད་དུ་གོ་རྟོགས་སྤེལ། ཁྱད་པར་དུ་སྤྱི་ལོ་༢༠༡༣་ལོའི་ཟླ་༣་པ་ནས་བཟུང་ཨེ་འགོག་འཕྲིན་སྟེགས་ཞེས་པའི་སྐད་འཕྲིན་གྱི་གླེང་སྟེགས་བརྒྱུད་ནས་ཨེ་འགོག་ཉིན་རེའི་ལན་ཞེས་པའི་ལས་རིམ་གཉེར། ཨེ་ཛིའི་ན་ཚ་སྔོན་འགོག་སོགས་ལ་མི་རྣམས་ཀྱི་དྲི་བར་ཉིན་རེ་བཞིན་ལན་འདེབས་བྱས་མྱོང་བར་མ་ཟད། ཉེ་ཆར་འཛམ་གླིང་ཡོངས་སུ་གསར་བྱུང་ཏོག་དབྱིབས་ནད་དུག་ཁྱབ་བཞིན་པའི་སྐབས་སུའང་ཨེ་འགོག་འཕྲིན་སྟེགས་བརྒྱུད་ནས་གསར་བྱུང་ཏོག་དབྱིབས་ནད་དུག་སྔོན་འགོག་ལག་དེབ་ཅེས་པ་བོད་ཡིག་ལ་ཕབ་སྒྱུར་བྱས་འདུག

ཉིན་རེ་བཞིན་རིམས་ནད་སྔོན་འགོག་གི་ལག་དེབ་དེ་སློབ་ཁྲིད་བྱས་ཤིང་། འདི་ནི་སྔོན་འགོག་བྱེད་ཐབས་ལ་བོད་སྐད་བོད་ཡིག་གི་ལམ་ནས་ལམ་སྟོན་བྱས་འདུག དེ་མིན་ཁོ་པས་འཕྲིན་སྟེགས་བརྒྱུད་ནས་གློ་ཚད་གསར་པའི་ཁྱབ་ཚད་དུས་ཐོག་ཏུ་གསར་སྣོན་ཁྱབ་སྤེལ་མ་ཞེས་པའི་ལས་རིམ་གསར་པ་ཞིག་འགོ་བཙུགས་ནས་རིམས་ནད་ཁྱབ་ཚད་ཀྱི་གསར་འགྱུར་ཁག་དུས་ཐོག་ཏུ་སྤེལ་ནས་རིམས་ནད་སྔོན་འགོག་ལ་བོད་མི་བོད་པ་ཚོར་བོད་ཡིག་གི་ལམ་ནས་ཤེས་བྱ་ངོ་སྤྲོད་ཀྱི་སྟོང་ཆ་ཆེན་པོ་ཞིག་ཡོད་པ་བསྐངས། ད་སྔ་ཁོ་པའི་འཕྲིན་སྟེགས་འདིར་དོ་སྣང་དང་རྗེས་སུ་འཇུག་མཁན་གྱི་མི་གྲངས་འབུམ་གཉིས་དང་ཁྲི་གསུམ་ལྷག་ཡོད་པ་རེད།