བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་ཕྱི་ཟླ་༥་པའི་ཚེས་༡༥་ཉིན་ཨ་མི་རི་ཁའི་ཝིན་སི་ཁོན་སིན་མངའ་སྡེའི་མེ་ཌེ་སན་གྲོང་ཁྱེར་གྱི་བོད་པ་དང་ས་གནས་གཞན་ནས་ཡོང་བའི་བོད་པ་ཚོར་དམིགས་བསལ་དུས་ཆུ་ཚོད་གཅིག་ལྷག་ཙམ་རིང་ལ་བཀའ་སློབ་གནང་སྟེ། ༧གོང་ས་མཆོག་གིས་བོད་ཆོལ་གསུམ་ཆིག་སྒྲིལ་བྱ་རྒྱུ་དེ་བོད་ཀྱི་བླ་སྲོག་ཞིག་ཡིན་ཞེས་གསུངས་ཡོད་ཅིང་། གཤམ་ལ་ཡེ་ཤེས་རྡོ་རྗེ་ལགས་ཀྱིས་༧གོང་ས་མཆོག་གི་བཀའ་སློབ་ཁོངས་ནས་ཟུར་འདོན་བྱས་པ་ཞིག་སྙན་སྒྲོན་ཞུ་ཡི་རེད།།
