མཉམ་འབྲེལ་རྒྱལ་ཚོགས་ཀྱིས་འདོན་སྤེལ་བྱས་པའི་སྙན་ཐོ་ཞིག་ཏུ་དེང་སྐབས་སའི་གོ་ལའི་ས་ཕྱོགས་མང་པོ་དང་། ལྷག་པར་དུ་འཛམ་གླིང་གི་མི་འབོར་ས་ཡ་༦༠་ཙམ་གནས་སྡོད་བྱ་ཡུལ་ཨེ་ཤི་ཡ་དང་ཞི་བདེ་རྒྱ་མཚོའི་མངའ་ཁུལ་དུ་ཆུ་ལོག་དང་ས་རུད། དྲག་ཆར་རླུང་འཚུབ་དང་ཤིང་ནགས་ མེར་འཚིག་པ་སོགས་ཀྱི་གནས་ཚུལ་འབྱུང་རྒྱུ་ཇེ་མང་དུ་འགྲོ་བཞིན་ཡོད་པས་སའི་གོ་ལའི་གནམ་གཤིས་ལ་འགྱུར་ལྡོག་ཐེབས་ཀྱི་ཡོད་པ་ཨེ་ཤི་ཡའི་ས་གནས་མང་པོར་ར་འཕྲོད་ཀྱི་འདུག་ཅེས་བསྟན་ཡོད་པའི་སྐོར། རྒྱལ་སྤྱིའི་གསར་ལམ་ཁག་ལ་ཐོན་པའི་གནས་ཚུལ་རྣམས་ཚེ་བརྟན་ཆོས་སྒྲོན་གྱིས་ཕབ་སྒྱུར་དང་སྙན་སྒྲོན་ཞུ་ཡི་རེད།
