ངོ་འཕྲད་བདེ་བའི་དྲ་འབྲེལ།

རྒྱ་ནག་གིས་ཉིང་ཁྲི་ས་ཁུལ་དུ་འཛུགས་སྐྲུན་ལས་གཞི་འགོ་འཛུགས་བྱས་པ།


བོད་ཀྱི་ཉིང་ཁྲི་ས་ཁུལ་དུ་རྒྱ་ནག་གཞུང་གིས་སྡོད་ཁང་ཐོགས་རྩེག་ཅན་ཧ་ཅང་མང་པོ་གསར་རྒྱག་བྱས་དང་བྱེད་བཞིན་པ་དང་། མ་འོངས་བར་གྲོང་ཁྱེར་གྱི་རྣམ་པར་བསྒྱུར་རྒྱུའི་ལས་འཆར་གསལ་བསྒྲགས་བྱས་འདུག་པ་མ་ཟད། སྔར་ཡོད་དམག་སྒར་རྒྱ་བསྐྱེད་གཏོང་བཞིན་ཡོད་པའི་གནས་ཚུལ་འདུག དེ་ཡང་བོད་ནས་མིང་སྨོས་གནང་འདོད་མེད་པའི་མི་སྣ་ཞིག་གིས་འདི་ག་རླུང་འཕྲིན་ཁང་ལ་བརྗོད་དོན་བོད་ཀྱི་ས་ཁུལ་ཉིང་ཁྲི་ནི་རྒྱ་གར་ཨ་སམ་མངའ་སྡེ་དང་ཐག་ཉེར་ཆགས་ཡོད་ཅིང་དེ་སྔ་རྒྱ་ནག་གི་པ་ཡིས་ཞེས་དམག་སྒར་ཆེན་པོ་ཞིག་ཉིང་ཁྲི་ཁུལ་དུ་བརྒྱབས་ཡོད་པ་ལས་། མཐའ་འཁོར་གྱི་མང་ཚོགས་འདུས་སྡོད་དང་མཉམ་དུ་ས་ཞིང་འདེབས་ལས་བྱེད་པ་སོགས་གྲོང་ཁྱེར་གྱི་རྣམ་པ་རྒྱ་ཆེན་པོ་མེད་ཀྱང་འདས་བའི་ལོ་གསུམ་ཙམ་གྱི་གོང་ནས་རྒྱ་ནག་གཞུང་གིས་འཆར་གཞི་དང་འཛུགས་སྐྲུན་གསར་བ་འགོ་འཛུགས་བྱས་ནས་ཉིང་ཁྲི་ཁུལ་དུ་སྡོད་ཁང་ཐོགས་རྩེག་ཅན་ཧ་ཅང་མང་པོ་གསར་རྒྱག་བྱས་ཟིན་པ་མ་ཟད། ད་ལྟུའང་མུ་མཐུད་དེ་ཁང་པ་གསར་རྒྱག་བྱས་དང་བྱེད་བཞིན་པའི་སྒང་རེད། དེ་ལ་དམིག་ཡུལ་གཙོ་བོ་ཁག་ཁ་ཤས་ཡོད་སྐོར་མང་ཚོགས་ནང་གླེང་སློང་བྱེད་ཀྱི་འདུག དེ་ཡང་མ་འོངས་པར་ཀོང་པོ་ཉིང་ཁྲི་ས་ཁུལ་དེ་ལྷ་ས་གྲོང་ཁྱེར་ལས་ཡུལ་བསྐོར་སྤྲོ་འཆམ་པའི་ལྟེ་གནས་རྒྱ་ཆེ་བ་བཟོ་འཆར་ཡིན་སྐོར་དང་། ཉིང་ཁྲི་ས་ཁུལ་དེ་ལྷ་ས་གྲོང་ཁྱེར་དང་འདྲ་བའི་རྒྱ་མིའི་མི་འབོར་མང་པོ་ཞིག་གནས་སྤོར་བྱེད་འཆར་ཡིན་སྐོར་གླེང་གི་ཡོད་རེད་ཅེས་འགྲེལ་བརྗོད་བྱས་འདུག ཡང་མུ་མཐུད་བརྗོད་དོན་ལ་ ཉིང་ཁྲི་ས་ཁུལ་ནི་རྒྱ་གར་ཨ་སམ་མངའ་སྡེ་དང་ཐག་ཉེར་ཆགས་ཡོད་སྟབས་རྒྱ་ནག་གི་དེ་སྔ་ཡོད་པའི་པ་ཡེས་ཟེར་བའི་དམག་སྒར་དེ་རྒྱ་བསྐྱེད་བཏང་སྟེ་དམག་མིའི་སྡོད་གནས་ཆེན་པོ་ཞིག་བཟོ་འཆར་ཡིན་པ་སོགས་གླེང་སློང་བྱེད་བཞིན་འདུག་ཅེས་སོགས་བརྗོད་འདུག

ཐད་ཀར་ཕབ་ལེན་གྱི་དྲ་འབྲེལ།


XS
SM
MD
LG