༄༅།། རྒྱ་ནག་གིས་ཕྱི་ཚེས་༢༨་ཉིན་ནས་ལོ་ལྔའི་རིང་ལ་ཨོ་གླིང་རྒྱལ་ཁབ་ནས་ནང་འདྲེན་བྱེད་ཀྱི་ཡོད་པའི་རྒུན་ཆང་ལ་སྒོ་ཁྲལ་བརྒྱ་ཆ་༢༡༨་རྒྱག་རྒྱུ་ཡིན་ཞེས་ཐག་གཅོད་བྱས་ཡོད་ཅིང་། འདི་ནི་སྔ་ལོ་ཨོ་གླིང་གཞུང་གིས་རང་དབང་ལྡན་པའི་རྒྱལ་སྤྱིའི་རྟོག་ཞིབ་མི་སྣ་ཁག་རྒྱ་ནག་ལ་ཏོག་དབྱིབས་ནད་དུག་གི་འབྱུང་ཁུངས་རྩད་གཅོད་བྱེད་དུ་གཏོང་དགོས་ཞེས་ནན་བརྗོད་བྱས་ནས་ཕྱོགས་གཉིས་ཀྱི་འབྲེལ་བ་སྡུག་ཏུ་སོང་བ་ཞིག་ཡིན་པར་མ་ཟད། ད་དུང་ཡང་རྒྱ་ནག་དང་ཨོ་གླིང་གི་འབྲེལ་བ་ཇེ་ཞན་ཇེ་སྡུག་ཏུ་འགྲོ་བཞིན་ཡོད་པའི་སྐོར། གསར་འགྱུར་བརྒྱུད་ལམ་ཁག་ལ་ཐོན་པའི་གནས་ཚུལ་ཁག་ཅིག་བསྟན་འཛིན་ལྷུན་གྲུབ་ལགས་ཀྱིས་སྙན་སྒྲོན་ཞུ་རྒྱུ་རེད།།
