ཨི་ཇེབ་ཀྱི་མི་མང་འབུམ་ཕྲག་མང་པོས་སྲིད་འཛིན་མུ་བྷ་རག་གི་སྲིད་གཞུང་མགོ་རྟིང་སློག་པར་ངོ་རྒོལ་ཁྲོམ་སྐོར་རྒྱུན་མཐུད་ནས་བྱེད་ཀྱི་ཡོད་ཀྱང་། རྒྱ་ནག་གཞུང་གིས་རང་ཡུལ་ལ་ཨི་ཇེབ་ཀྱི་མི་དམངས་ཡར་ལངས་ངོ་རྒོལ་དེའི་ཤུགས་རྐྱེན་ཐེབས་སྲིད་པའི་བློ་ཚབས་བྱས་ཏེ། ཁོང་ཚོས་ཨི་ཇེབ་མི་མང་གི་ངོ་རྒོལ་ཁྲོམ་སྐོར་གྱི་གསར་འགྱུར་དེ་རྣམས་རྒྱ་ནག་མི་དམངས་ལ་མཐོང་ཐོས་ཡོང་དུ་འཇུག་གི་མེད་པ་དང་། རྒྱ་ནག་གཞུང་གིས་ཕྱི་རྒྱལ་གྱི་གསར་འགྱུར་ལ་དམ་དྲག་དང་གསར་འགྱུར་གྱི་ནང་དོན་ལ་ཞིབ་བཤེར་བྱེད་རྒྱུ་སྔར་ལས་ཤུགས་ཆེ་རུ་བཏང་ཡོད་པའི་སྐོར། རྒྱལ་སྤྱིའི་གསར་འཕྲིན་ཁག་ལ་ཐོན་པའི་གནས་ཚུལ་རྣམས་བསྟན་འཛིན་ལྷུན་གྲུབ་ཀྱིས་ཕྱོགས་བསྒྲིགས་དང་སྙན་སྒྲོན་ཞུ་ཡི་རེད།
