༄༅།། རྒྱལ་སྤྱིའི་སྲིད་གཞུང་མང་པོས་པེ་ཅིང་གི་དགུན་དུས་གྱི་ཨོ་ལིམ་ཕིཀ་རྩེད་འགྲན་གྱི་སྒོ་འབྱེད་མཛད་སྒོ་སོགས་ལ་གཞུང་འབྲེལ་སྐུ་ཚབ་གཏོང་གི་མེད་པ་དང་རྒྱལ་ཁབ་མང་པོའི་གྲོས་ཚོགས་འཐུས་མི་དང་གཞུང་འབྲེལ་མིན་པའི་སྒྲིག་འཛུགས་ཁག་གིས་རྩེད་འགྲན་འདིར་ངོ་རྒོལ་བྱེད་མུས་ཡིན་ཞིང་། པེ་ཅིང་གི་རྩེད་འགྲན་མ་ཚོགས་པའི་སྔ་ནུབ་དེར་ཨ་རིའི་རླུང་འཕྲིན་ཁང་གི་རྩོམ་སྒྲིག་པ་རྣམ་རྒྱལ་ཤསྟྲི་དང་བློ་བཟང་ཡེ་ཤེས་རྣམ་གཉིས་གདན་འདྲེན་ཞུས་ཏེ་རྒྱལ་སྤྱིའི་སྤྱི་ཚིགས་ཀྱི་ངོ་རྒོལ་དང་ངོ་རྒོལ་གྱི་ཤུགས་རྐྱེན། རྒྱ་ནག་གཞུང་གིས་པེ་ཅིང་གི་ཨོ་ལིམ་ཕིཀ་རྩེད་འགྲན་ལ་གནད་འགག་ཅི་ཙམ་རྩི་བཞིན་ཡོད་པ་བཅས་ལ་རིག་འཛིན་གྱིས་བཅར་འདྲི་ཞུས་པ་དེ་གསན་རོགས་གནང་།།
