ད་རིང་གཟའ་མིག་དམར་ཉིན་ཨོ་སི་ཀྲི་ལི་ཡའི་སྲིད་བློན་གྷི་ལཌ་ཡིས་ ཨཕ་གྷནིསི་ནང་མནའ་སྦྲེལ་མཐུན་ཚོགས་ཀྱི་དམག་དཔུང་ཁོངས་སུ་འགྲེམ་འཇོག་བྱས་པའི་རང་ཡུལ་གྱི་དམག་དཔུང་ ༡༥༥༠ སྐོར་ཡོད་པ་དེ་ལོ་འདིའི་ནང་ཕྱིར་འཐེན་བྱེད་འགོ་ཚུགས་ཏེ་ཕྱི་ལོ་༢༠༡༣་ནང་ཕྱིར་འཐེན་མཇུག་བསྒྲིལ་བྱེད་ཀྱི་ཡིན་ཞེས་གསལ་བསྒྲགས་བྱས་འདུག་པའི་ཆ་ནས་ ཨོ་སོ་ཀྲི་ལི་ཡའི་དམག་དཔུང་རྣམས་ཨཕ་གྷནིསི་ཐན་ནས་ཕྱིར་འཐེན་བྱ་རྒྱུ་དེ། དེ་སྔ་དུས་བཀག་བྱས་པའི་སྔོན་ལ་བྱེད་འཆར་ཡོད་པ་ཞིག་ཆགས་ཡོད་པ་རེད། ཡང་དེའི་རྒྱུ་མཚན་ནི་ གཅིག་ནས་ཨཕ གྷནིསི་ཐན་གྱི་བདེ་འཇགས་ཀྱི་གནས་སྟངས་ཡག་ཏུ་ཕྱིན་པའི་དབང་གིས་ཡིན་ལུགས་བརྗོད་ཀྱི་ཡོད་པ་དང་ གཉིས་ནས་ཕྱི་ལོ་༢༠༡༣ གྱི་ལོ་དེ་ནི་ཨོ་སི་ཀྲི་ལི་ཡ་ནང་རྒྱལ་ཡོངས་འོས་བསྡུ་བྱ་རྒྱུའི་དུས་འཁེལ་གྱི་ཡོད་སྟབས་སྲིད་བློན་གྱི་འཆར་གཞིར་དོགས་གཟོན་བྱེད་མཁན་ཀྱང་ཁག་གཅིག་ཡོད་འདུག