རྒྱ་རིགས་ཁྲེན་གུང་ཁྲེན་གྱིས་ཨ་མི་རི་ཀའི་གྲོས་ཚོགས་སུ་སླར་ཡང་ཁ་པར་བརྒྱུད་སྐད་ཆ་བཤད་ཡོད་པ་དང། ཁོང་གི་ནང་མིར་རྒྱ་ནག་གཞུང་གིས་བསུན་པོ་བཟོ་གི་ཡོད་པའི་སྐོར་གླེང་སློང་བྱས་ཡོད་པ་རེད། ཐོབ་ཐང་ལས་འགུལ་དང་ ནང་མི་ཨ་མི་རི་ཀར་ཡོང་རྒྱུར་ཨ་མི་རི་ཀའི་གཞུང་གིས་དགོས་ངེས་ཀྱི་གྲ་སྒྲིག་ཡོད་ཀྱང་རྒྱ་ནག་གཞུང་ཕྱོགས་ནས་ཁོའི་ཕྱི་སྐྱོད་ལག་འཁྱེར་སྐོར་དོ་བདག་ལ་ཡ་ལན་སྤྲད་མེད་པའི་སྐོར་བསོད་ནམས་གཡང་འཛོམས་ཀྱིས་གནས་ཚུལ་སྙན་སྒྲོན་ཞུ་གི་རེད།