ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་བོད་དོན་ཁྲིམས་འཆར་ལ་སྤྱི་མོས་རྒྱབ་སྐྱོར། བོད་མིའི་མཉམ་འབྲེལ་བསྐྱར་ཞིབ་ཚོགས་ཆེན་མཇུག་སྒྲིལ་གནང་བ།་ཀརྨ་པ་ཨོ་རྒྱན་ཕྲིན་ལས་རྡོ་རྗེའི་ཡབ་སྐུ་གཤེགས་པ།་རྒྱ་གར་གྱི་འོས་བསྡུ་དང་རྒྱལ་ས་རྡི་ལིའི་ཁོར་ཡུག་འབག་བཙོག་ བལ་ཡུལ་དུ་ས་ག་ཟླ་བ་སྲུང་བརྩི་གཟབ་རྒྱས། ཐེ་ཝན་གྱི་མི་ཚོའི་རྒྱལ་སྲུང་ཐད་རྒྱ་ནག་དང་ཨ་རི་གཉིས་ལ་ལྟ་སྟངས། ཕུ་ཊིང་དང་ཞི་ཅིན་ཕིང་གི་ཐུག་འཕྲད་དང་རྒྱལ་ཁབ་གཉིས་ཀྱི་འབྲེལ་ལམ། གསར་འགྱུར་གཞན་ཁག་ཅིག་གི་གནད་བསྡུས། ཀུན་གླེང་ལས་རིམ་ལ་དོལ་པོའི་གནས་ཆེན་ཤེལ་རི་འབྲུག་སྒྲའི་འཁོར་ཆེན་ཞེས་པའི་དུས་ཆེན་གྱི་ངོ་བོ་དང་བྱུང་རབས།   འབྲུག་གི་ལོ་འདིར་གནས་ཆེན་དེའི་དུས་སྟོན་ཚུགས་དོན།   གཞན་ཡང་བལ་ཡུལ་གྱི་མངའ་ཁོངས་སུ་དོལ་པོ་བ་ཚོས་རང་གི་ཆོས་དང་རིག་གཞུང་།   སྐད་ཡིག་དང་མི་རིགས་ཀྱི་ངོ་བོ་གཅེས་འཛིན་གྱི་གྲུབ་འབྲས་སོགས་ལ་ཡུ་རོབ་རྒྱལ་ཁབ་ཆེག་སྤྱི་མཐུན་རྒྱལ་ཁབ་ཀྱི་རྒྱལ་ས་ཕུ་རག་གྲོང་ཁྱེར་དུ་ཡོད་པའི་ཆལ་སི་སློབ་གྲྭ་ཆེན་མོའི་བོད་རིག་པའི་སློབ་དཔོན་གཞོན་པ་དགེ་བཤེས་ཆོས་འཁོར་ཚང་དང་འབྲུག་ལོ་འཁོར་ཆེན་དྲན་དེབ་རྩོམ་སྒྲིག་པ་དོལ་པོ་སྤྲུལ་སྐུ་འཆི་མེད་ཚེ་དབང་རྣམ་གཉིས་གདན་འདྲེན་ཞུས་ནས་བགྲོ་གླེང་ཞུ་རྒྱུ་ཡིན།