ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་འཕགས་མཆོག་ཝ་ཏི་བཟང་པོའི་རྣམ་ཐར་འགྲེམས་སྟོན་དང་། ས་གནས་འགོ་འཛིན་རྣམས་དང་མཉམ་འབྲེལ་ཚོགས་གཙོ་སོགས་ལ་མཇལ་ཁ་སྩལ་བ། ཨི་རན་གྱི་མྱ་ངན་དང་དྲན་སྐུལ། པ་ལི་སི་ཐན་ལ་ངོས་འཛིན། ཐེ་ཝན་གྱི་སྲིད་འཛིན་དང་བོད་རྒྱའི་འབྲེལ་ལམ། སྲིད་འཛིན་འོས་མི་གཉིས་ཀའི་རྒྱ་ནག་སྲིད་ཇུས་སོགས་ཡོད། ཀུན་གླེང་ལས་རིམ་དུ་ཚེ་རིང་སྐྱིད་ལགས་ཀྱིས་ཐེ་ཝན་བོད་ཀྱི་སྐུ་ཚབ་དོན་གཅོད་འབའ་བ་སྐལ་བཟང་རྒྱལ་མཚན་ལགས་གདན་འདྲེན་ཞུས་ནས་ཐེ་ཝན་སྲིད་འཛིན་གྱི་དམ་འབུལ་མཛད་སྒོ་དང་བོད་མིའི་སྐུ་ཚབ་མཉམ་ཞུགས་བྱས་པའི་མཚོན་དོན་སོགས་ཀྱི་ཐད་བགྲོ་གླེང་ཞུ་རྒྱུ། དེ་བཞིན་དུ་ཚེ་རིང་སྐྱིད་ལགས་ཀྱིས་སྒྱུ་རྩལ་པ་དང་གཞས་པ་བློ་བརྟན་རྣམ་གླིང་ལགས་གདན་འདྲེན་ཞུས་ནས་བཙན་བྱོལ་གྱི་བོད་མི་སྒྱུ་རྩལ་བ་ཞིག་གི་བོད་དོན་ལས་འགུལ་གྱི་ཉམས་མྱོང་དང་ནུས་འབྲས་ཐད་བགྲོ་གླེང་ཞུ་རྒྱུ་ཡིན།