ཨ་རིའི་རླུང་འཕྲིན་ཁང་གི་ཀུན་གླེང་གསར་འགྱུར་ནང་ཨ་རི་དང་ཨི་སི་རེལ་གྱི་འབྲེལ་ལམ་རྒྱང་བཀྱེད་བྱེད་བཞིན་པ་དང་། ཨུ་རུ་སུའི་འོས་བསྡུ་དང་དམག་འཁྲུག་གསང་མྱུལ། སྡེ་དགེའི་ཆུ་རགས་སྐོར་གྱི་བགྲོ་གླེང་། ཊིག་ཀྲོག་བཀོལ་ཆས་འགོག་འཆར། རྒྱ་ནག་མི་མང་གིས་ཨ་རིའི་འོས་བསྡུར་དོ་སྣང་། ཨ་རིའི་གྲོས་ཚོགས་ཀྱི་བོད་དོན་གྲོས་ཆོད་སོགས་ཡོད། ཀུན་གླེང་ལས་རིམ་དུ་རྡོ་རྗེ་ཚེ་བརྟན་ལགས་ཀྱིས་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་རིག་གཞུང་ཚན་པའི་འགན་འཛིན་དོན་གྲུབ་ཚེ་རིང་དང་ནང་བསྟན་དཔེ་ཚོགས་ལྟེ་གནས་ཁང་གི་དཔེ་མཛོད་དོ་དམ་འགོ་འཛིན་ཀརྨ་གོང་བདེ་རྣམ་གཉིས་གདན་འདྲེན་ཞུས་ནས་རྒྱལ་བའི་བཀའ་བསྟན་དཔེ་རྙིང་གཅིག་བསྡུས་ཀྱི་གྲངས་འཛིན་དཔེ་མཛོད་ལས་འཆར་ཐད་བགྲོ་གླེང་ཞུ་རྒྱུ་ཡིན་པས་དུས་ཐོག་གསན་གཟིགས་གནང་བར་ཞུ།།